Дүүргийн ногоон бүсийн оршин суугчид баталгаа гаргажээ

Т.Хулан / Улстөр

Энэ сарын 05-08-ны өдрүүдэд Сонгинохайрхан дүүргийн 24, 25 дугаар хорооны Богинын ам, Ухны ам, Хустайн ам, Их хадатын ам, Бага хадатын аманд байрлах аж ахуйн нэгж, айл өрхүүдэд ой, хээрийн түймрээс урьдчилан сэргийлэх ухуулга сурталчилгааг дүүргийн Онцгой байдлын хэлтсээс зохион байгуулжээ.

Хавар, намрын хуурайшилтын улиралд ногоон бүсэд зөвшөөрөлгүй аялал, зугаалга, ажил үйлчилгээ явуулж, байгалийн дагалдах баялгийг ашиглахыг хориглох, хулгайгаар мод бэлтгэх явдлыг таслан зогсоох, аж ахуйн нэгж байгууллага, иргэдийн хамтын ажиллагааг сайжруулах, ой, хээрийн түймэртэй тэмцэх ажлыг эрчимжүүлэх зорилгоор энэхүү сурталчилгааг зохион байгуулсан аж. Улмаар оршин суугчдаар баталгаа гаргуулсныг дүүргийн Засаг дарга Ж.Сандагсүрэн онцлов.

Тус баталгааг зөрчсөн тохиолдолд аж ахуйн нэгж байгууллага, иргэнд холбогдох хууль тогтоомжийн дагуу арга хэмжээ авахыг анхаарууллаа. Тус арга хэмжээнд дүүргийн Онцгой байдлын хэлтэс, Цагдаагийн хоёрдугаар хэлтэс, 24, 25 дугаар хорооны ажлын алба хаагчид оролцож, иргэдэд ухуулга сурталчилгаа хийсэн аж. Энэ мэтээр СХД-ийн хэмжээнд олон ажил өрнөж байгаа бөгөөд өнөөдөр л гэхэд 11.00 цагаас “Чингис Соосэ” Их сургуулийн урлаг соёлын танхимд “Хөдөлмөр эрхлэлт-2019” өдөрлөг зохион байгуулагдах аж. Энэхүү өдөрлөгийн үеэр ажлын байрны санал, хөдөлмөр эрхлэх хүсэлтээ ажилгүй иргэдийг бүртгэх, ажилд зуучлах зэрэг олон арга хэмжээ болох аж.

ЭХ СУРВАЛЖ: СОНГИНО ХАЙРХАН ДҮҮРЭГ


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.