ОУХМ Б.Отгонбаяр хүрэл медалийн эзэн болов
“Си Ань-2019” чөлөөт бөхийн Азийн аварга шалгаруулах тэмцээний хоёр дахь өдрөө үргэлжилж байна. Энэ тэмцээнээс манай бөх 74 кг-ын жинд эхний медалийг хүртлээ. “Хангай хүчтэн” клубийн тамирчин ОУХМ Батсуурийн Отгонбаярын өрсөлдөгч нь дэвжээнд гараагүй учраас Б.Отгонбаяр тивийн аваргаас анхны хүрэл медалиа зүүв.
Азийн аваргад анх удаа зодоглосон тэрбээр 1/8 шигшээд Азийн наадмын мөнгө, Азийн АШТ-ий хүрэл медальт Казахстаны Данияр Кайсановт 1:8-аар ялагдсан. Өрсөлдөгч нь шигшээд шалгарснаар түүнд дагах барилдаан гарсан юм. Улмаар дагах барилдаанд Узбекистаны Артём Присьянюкыг цэвэр дарсан.
Хүрэл медалийн төлөөх барилдаанд олимпийн хошой, дэлхийн болон Европын аварга ОХУ-ын алдарт бөх Мавлет Батировын дүү “Будапешт-2018” ДАШТ-ий мөнгөн медальт, 2016 оны Азийн аварга Бахрейний Адам Батыровтой барилдах ёстой байсан юм.
Сэтгэгдэл
зочин [66.181.166.196] 2019-04-26 01:38:37
Азтай л жуулчин юм, өөр юу гэхэв дээ, гэхдээ жуулчлаад ир гэж явуулснаас медаль аваад ир гээгүй гээд асуудал үүсэх л байлгүй дээ ккк
Zochin [67.142.203.142] 2019-04-26 00:16:17
Heg yalaad hurel avch bgaa uym uy
бөх [202.126.89.228] 2019-04-25 23:08:06
аз таарч дээ