Булган аймгийн Хутаг-Өндөр сумын төвийн тохижилт, өнгө үзэмжийг сайжруулах ажлын хүрээнд Илчит хутаг ОНӨААТҮГ-ын хамт олон төв зам, гудамж, хороодын зам засварыг хийж гүйцэтгэлээ. Уг ажилд ИТХ-аас баталсан төсвийн дагуу 18,3 сая төгрөгийг зарцуулан ажиллаж байна.

Нийт 14 км замыг хусаж зассан мөн 1 км замын хөвөөг хайрга асгаж тэгшилсэн ба үүнд 124 хово хайрга, 196 куб усыг ашиглалаа. Зам засварын ажилд Булган АЗЗА ТӨК-ны 3 техник, Илчит хутаг ОНӨААТҮГ-ын 8 ажилтан ажилласан ба Төвийн багийн иргэн Б.Хаш-Эрдэнэ, З.Гантулга, Д.Батбаяр болон Жереми нар өөрсдийн техникээр уг ажилд оролцсон байна.