Өнөөдөр хуульч нар нэгдэн Үндсэн хуулийн цэцэд мэдээлэл гаргалаа. Чухам ямар асуудлаар ийнхүү гомдол гаргах болсон талаар нь тодруулсан юм.

Судлаач Д.Ганхуяг хэлэхдээ: УИХ-ын гишүүн асан Д.Гантулга хүчингийн хэрэг хийсэн гэж хүн бүхэн мэдэж байгаа. Энэ хэрэг гарсаны дараа тэрээр өөрөө өргөдлөө өгсөн. Үүний дагуу өргөдлийг нь Үндсэн хуулийн цэц хүлээж аваад чөлөөлсөн. Үүн дээр л алдаа гарч байгаа. Яагаад гэхээр гэмт хэрэг нь нотлогдоогүй. Хамгийн гол нь гишүүн эгүүлэн татах ямар ч хууль байхгүй. Ийм хэрэг болоход нөхөн сонгууль гээд яригдаж эхэллээ. УИХ-ын гишүүнийг хууль бусаар чөлөөлчихөөд нөхөн сонгууль хийх гэж байна. Бараг 287 сая төгрөг төсөвлөсөн зургаан сарын 30-нд хийх гэж байна. Энэ хүний хэрэг нь шийдэгдээгүй байхад сонгууль интэр гээд байх юм. Хэргийг нь шийдсэний дараа сонгууль ярих хэрэгтэй. Нэг гишүүн унагачихаад бид нарын мөнгөөр туульж, нөхөн сонгууль гэж яриад байдаг. Ийм байж болохгүй. Үндсэн хуулийн дагуу ажиллах тухай мэдээлэл гаргаж байна.

Хуульч Д.Отгонбат: 2018 оны зургадугаар сарын 14-ний өдрийн Үндсэн хуулийн 49-р тогтоол нь Үндсэн хууль зөрчиж байгаа талаар хэсэг хуульчид нэгдэн мэдээлэл гаргаж байна. Ер нь бол хууль дээдлэх нь төрийн үйл ажиллагааны үндсэн зарчим юм. Тухайлбал, Д.Гантулга гишүүнийг чөлөөлөхдөө УИХ-ын 6-р зүйлийн 6,1-3-т зааснаар чөлөөлсөн. Хуульд ганцхан нөхцөл байгаа. Хуульд зааснаар өөр ажилд шилжүүлэн томилсон эсвэл хүндэтгэн үзэх шалтгааны улмаас УИХ-ыг чөлөөлнө гэсэн байгаа. Тэгэхээр Д.Гантулга гишүүний чөлөөлөгдөх асуудал хэвлэл мэдээллээр хангалттай гарсан байгаа. Хүсэлт дээр хуулийн заалт дурдсан. Ингэхдээ зургадугаар зүйлийн 6,6-3-т зааснаар чөлөөлж өгнө үү хэмээн хандсан. Их хурал түүнийг нь хүлээж авч улмаар чөлөөлсөн. Гэхдээ энэ хүнийг өөр ажилд шилжүүлсэн юм уу эсвэл өөрийнх нь хүндэтгэн үзэх шалтгааны улмаас чөлөөлсөн эсэх нь тодорхой бус байгаа. Хууль дээдэлж, хууль хэрэглэнэ гэдэг чинь хуульд заасан нөхцөл шаардлагыг хангасан байхыг ойлгож байна. Үндсэн хуулийн 70 дугаар зүйлийн 70,1-т зааснаар хуулийн дагуу төрийн байгууллага үйл ажиллагаагаа явуулна гэсэн байдаг.

Тэгэхээр УИХ хууль ёсны дагуу үйл ажиллагаагаа явуулсан уу гэсэн асуудал гарч байгаа юм. УИХ гишүүн асан Д.Гантулгын гаргаж байгаа тэр хүсэлтийг хангасан уу үгүй юу гэдгийг нь УИХ шалгаж, хуульд нийцсэн шийдвэр гаргах нь зөв. УИХ гишүүн гэдэг хүн бол хэн дуртай нь хийдэг ийм субъект биш. Энэ хүн бол нийт ард түмэн болон Улсын эрх ашгийн төлөө ажилладаг. Тэгэхээр хүссэн үедээ дурын УИХ гишүүн өргөдлөө өгөөд тухайн хүсэлт нь тодорхой бус ийм нөхцөлд УИХ тогтоол гаргаж чөлөөлсөн нь Үндсэн хууль зөрчсөн байна гэж үзэж байна.

Нөгөө талдаа УИХ асан Д.Гантулга гишүүнээрээ ажиллаж ард түмнийхээ төлөө ажиллах үүргээ биелүүлэхгүй байна. Гишүүний үүргээсээ үндэслэлгүйгээр татгалзсан байна гэдэг ийм л нөхцөл байдал харагдаж байна. Иймээс хууль зөрчсөн гэх асуудлаар хуульчид нэгдэн Үндсэн хуулийн цэцэд мэдээлэл хүргүүлж байна гэв.