Улсын ерөнхий прокурор Б.Жаргалсайхан анхныхаа тушаалаар Сургалт, судалгааны төвийн хяналтын прокурор П.Эрдэнэбатыг албан тушаалаас нь буулгаж шуугиан тарьсан юм. П.Эрдэнэбат нь иргэдийн газрыг булааж авдагаараа алдартай прокурор. Тэрбээр Сонгинохайрхан, Хан-Уул дүүрэгт прокуророор ажиллах хугацаандаа иргэдийн их хэмжээний газруудыг хууль бусаар, албан тушаал, эрх мэдлээрээ сүр далайлган авдаг байсан нь Шүүхээр тогтоогдсоор байгаа юм. Тухайлбал тэрбээр Хан-Уул дүүргийн ахлах прокуророор ажиллаж байхдаа албан тушаалаа ашиглан тэтгэвэртээ гарсан хоёр эмэгтэйн газрыг булааж, улмаар хүч хэрэглэн, хэл амаар доромжилсон байдаг. П.Эрдэнэбатын газрын гэрчилгээг xоxирогч хоёр эмэгтэйн газартай хууль бусаар давxцаж олгосон тул энэ хэргийг шийдүүлэxээр xоxирогчид Шүүx, Цагдаагийн байгууллагад ханджээ. Ингээд уг хэргийг Шүүxээс газрын гэрчилгээг давхардуулан олгосон байна хэмээн үзэж П.Эрдэнэбатын хууль бусаар олж авсан газрын гэрчилгээг цуцалжээ.
Хоxирогч О.Болорцэцэг, Ч.Пагамсүрэн нар Шүүxийн мэдүүлгэндээ “Бид 2015 оны 10 дугаар сард хашаагаа барьж байтал П.Эрдэнэбат хэсэг бүлэг хүмүүс дагуулан ирж төрийн албаны хүний ёс зүйгүй харьцаагаар харьцан, экскавотарын шанагаар цохичих гээд, дагуулж ирсэн хүмүүс нь зэрлэг балмад үгээр биднийг доромжлон, ажил хийх аргагүй болгосон тул бид ажлаа орхисон. Биднийг ажлаа орхисны дараа өдөр П.Эрдэнэбат том нүх ухсан байсан. Энэ байдлаараа хяналтын прокурор П.Эрдэнэбат нь эрх мэдэл, албан тушаалаа удаа дараа ашиглаж, хууль бусаар газар эзэмших эрхийг өөртөө олж авсан нь илэрхий байдаг байна. Уг хэргийн талаар тодорxой баримтууд shuukh.mn болон нийслэлийн газрын сайт дээр тавигджээ.

Тэрбумтан, доктор, прокурор асан П.Эрдэнэбатын газрын маргаан үүгээр дуусдаггүй. Газрын луйвраа нуух, бусдыг төөрөгдүүлэхдээ тэр их гаргуун. Зарим мэдээллийн хэрэгслээр хүмүүсийг төөрөгдүүлсэн, худлаа мэдээлэл цацсан. Жишээлбэл, П.Эрдэнэбат “Өдрийн сонин”-д өөрийгөө хамгаалсан, төлбөртэй том ярилцлага өгөхдөө “Миний хувьд 0,6 га газрыг иргэнийхээ хувьд ном ёсоор нь авсан” гэж ярьсан нь худлаа бөгөөд бодит байдал дээрээ энэ газар дээрээ нэмж эхнэр, хоёр хүүхэд... гээд ойр тойрныхоо бүх хүмүүсийн нэр дээр том газар авсан байдаг. Эдгээр нь бүгд жирийн иргэдийн газар дээр давхцуулан авсан нь хууль бус юм. Хан-Уул дүүргийн 8 дугаар хороонд П.Эрдэнэбат 0,6 га, Эрдэнэбатын Хатантуул 0,7 га, Эрдэнэбатын Мөнх-Ирээдүй 0,6 га, Г.Бямбасүрэн 0,5 га, Ш.Нармандах 0,6 га газар авсан нь бүгдээрээ П.Эрдэнэбатын ойрын хамаарлын хүмүүс юм. Энэ цуваа цааш ч үргэлжилнэ. Эдгээр газрыг хэрхэн хууль бусаар авсан талаар иргэд Шүүхэд бас л гомдол гаргажээ. Ингэхээр эрхэм доктор, тэрбумтан, прокурор маань очиж ажилласан газар бүртээ овоож оцойтол газар булаажээ. Тэр нь бүгд хууль бус учраас Шүүхийн маргаан дуусдаггүй, бараг долоо хоног бүр нэг Шүүх хуралд ордог ажилтай манаргаж явдаг бололтой.
Жирийн иргэнд хашааны алга дарам газар ч олдохгүй зовж байхад мань тэрбумтан, доктор, прокурор маань хэдэн арван га-гаар нь эзэмшчихсэн сууж байдаг. Ер нь УЕПГ-ын дэргэдэх Сургалт судалгааны төвийн судлаач, хяналтын прокурор П.Эрдэнэбаттай холбоотой элдэв таагүй мэдээлэл байнги гарч байна. Түүний эзэмшдэг, Сонгинохайрхан дүүргийн “Драгон” төвийн урд орших томоохон барилга, үйлчилгээний төв нь явган хүний зам дээр барьсан нь иргэдэд асар хүндрэлтэй байгаа. Ялангуяа энэ замаар хөгжлийн бэрхшээлтэй, хараагүй иргэд байнги зорчдог нь маш их хүндрэл дагуулж байгаа юм. Гэвч тэрбумтан, доктор, прокурорыг ядарсан иргэд дийлэхгүй байна. Нийслэлийн мэргэжлийн Хяналтын газар болон холбогдох байгууллагууд шийдвэр гаргаж, барилга эзэмшигчид шаардлага хүргүүлсэн ч өнөөдрийг хүртэл хууль хэрэгжихгүй байна.
Үүнтэй холбоотой өөр нэг том асуудал нь энэхүү барилга доогуур цэвэр усны шугам байрладаг юм байна. Ийм газар барилга барих битгий хэл өмчлөх ёсгүй байдаг. Барилга баривал ус дамжуулах хоолой гэмтэх, ачааллаа даахгүй болох, задрах аюултай байгааг мэргэжлийн хүмүүс хэлж, шаардлага, албан тоот хүргүүлсээр байгаа ч асуудал шийдэгдэхгүй 10 жилийн нүүрийг үзжээ.

Монголын прокуроруудыг хөрөнгөөрөө тэргүүлдэг П.Эрдэнэбатын АТГ-аас гаргасан ХОМ нь хүмүүсийн нүдийг орой дээр нь гаргасан юм. Прокурор хийгээд ийм их хөрөнгөтэй болж болдогыг тэрбээр яруу тодоор харуулжээ. Доктор, тэрбумтан прокурор П.Эрдэнэбат нь 4.5 тэрбумаар үнэлэгдэх 5 орон сууц, 5 үйлдвэрлэлийн барилга, 6 авто зогсоолтой. 164 сая төгрөгийн 5 авто машин, 173 сая төгрөгний уран зураг, үнэт эдлэлтэй. Дансандаа 182 сая төгрөгний хадгаламжтай. Бусдаас 4 тэрбумын авлагатай... гэхчлэн цааш хөрөнгө мөнгө, газар нутаг нь үргэлжилнэ шүү дээ.