Монгол банкны өдрийн тойм
ЗАХ ЗЭЭЛИЙН ТОВЧ МЭДЭЭ:
-
2019 оны эхний улиралд Монгол Улсын дотоодын нийт бүтээгдэхүүн урьдчилсан гүйцэтгэлээр 3.5 их наяд төгрөг болж, өмнөх оны мөн үеэс 8.6 хувиар өссөн гэж Үндэсний статистикийн хороо мэдээллээ. Энэ нь шинжээчдийн таамгаас давсан үзүүлэлт болов. Дотоодын нийт бүтээгдэхүүний өсөлтөд үйлчилгээний салбарын нэмэгдэл өртөг найман хувиар, үүнээс бөөний болон жижиглэн худалдааны салбарын нэмэгдэл өртөг 13.9 хувиар, аж үйлдвэр, барилгын салбарын нэмэгдэл өртөг 11.2 хувиар өссөн нь голлон нөлөөлсөн байна. Монголбанк 2019 оны эдийн засгийн өсөлтийг 6.9 хувь гэж таамагласан бол Азийн хөгжлийн банк 6.7 хувь, Дэлхийн банк 7.2 хувиар өснө гэсэн тооцооллыг танилцуулаад байна.
-
Дотоодод томоохон компаниуд хөгжиж байж жижиг, дунд үйлдвэрлэл хөгжих боломжтой болно гэж “Шинэ эдийн засгийн форум”-д оролцогчид байр сууриа илэрхийллээ. Мөн жижиг, дунд үйлдвэрүүдийн хөгжилд хиймэл оюун ухаан, дижитал хувьсгал чухал хамаатай болсныг Монголын Бизнесийн зөвлөлийн ТУЗ-ийн дарга Б.Бямбасайхан онцолсон юм. Жижиг, дунд үйлдвэрлэл эрхлэгчид цаашид эн тэргүүнд Төрийн байгууллагын үйлчилгээг чирэгдэлгүй болгох, татварын таатай орчныг бүрдүүлэх, авлагыг бууруулах зэрэг арга хэмжээнүүдийг бодлогын түвшинд авч хэрэгжүүлэх шаардлагатай гэж үзсэнийг Монголбанкнаас сүүлд хийсэн судалгааны дүгнэлтэд онцолж байв. Тухайн оронд ажлын байр бүрдүүлэгч гэдэг утгаараа жижиг, дунд үйлдвэрийн хөгжил чухал гэж гүйцэтгэх удирдлагууд дүгнэсэн юм.
-
Орон сууцны үнийн ерөнхий индекс дөрөвдүгээр сард 1.054 нэгж болж, өмнөх сараас 0.38 хувиар буурлаа. Үүнд шинэ орон сууцны үнийн өсөлт саарсан нь гол нөлөө үзүүлсэн бол хуучин орон сууцны үнэ өмнөх сард бага зэрэг өсжээ. Ерөнхий индексийг өнгөрсөн оны мөн үетэй харьцуулахад 2.6 хувиар өссөн талаар “Тэнхлэг зууч” компани мэдээллээ. Шинэ орон сууцны үнийн индекс 1.252 нэгж болсон нь өмнөх сараас бага зэрэг буурсан боловч өнгөрсөн оны мөн үетэй харьцуулахад 3.85 хувиар өссөн байна. Хуучин орон сууцны үнийн индекс 0.982 нэгж байгаа нь өмнөх сараас 0.51 хувиар, өнгөрсөн оны мөн үеэс 5.76 хувиар өссөн үзүүлэлт юм. Дөрөвдүгээр сарын мэдээллийг гаргахдаа Улаанбаатар хотын зах зээлд нийлүүлэгдсэн шинэ, хуучин нийт 4498 орон сууцны мэдээллийг хамруулсан байна.
-
ХХААХҮЯ 2019 онд 10-12 мянган тонн мах нөөцлөх, махны үнийг тогтвортой байлгах зорилт тавьсан гэж “Монцамэ” агентлаг мэдээллээ. Энэ сарын 9-12-нд олон аймагт цасан шуурга болсны улмаас “Хүчит шонхор” захын махны нийлүүлэлт хомсдсон байна. Нийслэлд нийлүүлэх махны хэрэглээг нэмэх, аж ахуйн нэгжүүд “Хүчит шонхор” захаас мах худалдан авахыг зогсоох арга хэмжээ авснаар, мягмар гарагаас эхлэн махны үнэ тогтворжиж байгаа гэж салбарын яам мэдээллээ. Судалгаагаар өнгөрсөн онтой харьцуулахад хонины махны үнэ 17 хувь, ямааны махны үнэ 28 хувь, үхрийн махны үнэ 14 хувиар өссөн байна.
Эх сурвалж: bloombergtv.mn
ВАЛЮТЫН ХАНШ:
Валют | Зарласан ханш |
Өөрчлөлт (Өдөр) |
Валют | Ханш |
USD/MNT EUR/MNT CNY/MNT GBP/MNT RUB/MN |
2,643.22 2,971.51 383.97 3,421.78 40.42 |
0.02 0.15 -0.13 -0.43 0.15 |
EUR/USD GBP/USD USD/CHF USD/CNY USD/JPY |
1.1209 1.2913 1.0085 6.8719 109.65 |
Эх сурвалж: mongolbank.mn, investing.com
БОНДЫН ӨГӨӨЖ:
Бондын нэр | Валют | Купон | Үнэ |
Khuraldai 2024 Gerege 2023 Samurai 2023 TDBM 2020 Chinggis 2022 Chinggis 2021 DBM |
USD USD JPY USD USD USD USD |
6.41 6.24 0.61 5.64 5.83 5.35 6.85 |
109.53 97.88 104.08 103.60 97.76 109.77 101.51 |
Эх сурвалж: bloomberg.com
ТҮҮХИЙ ЭДИЙН ҮНЭ:
Түүхий эд | Нэгж | Үнэ /USD/ |
Газрын тос /NYMEX, WTI/ Алт /SPOT/ Зэс /LME/ Төмрийн хүдэр /Beijing/ |
баррел унци тонн тонн |
61.53 1,296.94 5,997.00 79.29 |
Эх сурвалж: bloomberg.com
БАНКНЫ САЛБАРЫН ҮЗҮҮЛЭЛТ /2019.02/:
Үзүүлэлт | Нэгж | Дүн |
Нийт актив Өөрийн хөрөнгө Төлбөр түргэн гүйцэтгэх чадвар Чанаргүй зээл Ипотекийн зээлийн үлдэгдэл Ипотекийн зээлдэгчдийн тоо Хадгаламжийн үлдэгдэл Төгрөг Валют Хадгаламжийн хүү /төгрөг/ Хадгаламжийн хүү /валют/ Зээл Олгосон зээлийн ЖДХ /төгрөг/ Олгосон зээлийн ЖДХ /валют/ |
тэр.төг тэр.төг % % тэр.төг тэр.төг тэр.төг тэр.төг % % тэр.төг % % |
32,761 3,486 42.9% 10.7% 4,413 93,837 13,236 10,199 3,037 12.0% 5.3% 17,104 17.1% 11.1% |
Эх сурвалж: mongolbank.mn
МАКРО ЭДИЙН ЗАСГИЙН ҮЗҮҮЛЭЛТ:
Үзүүлэлт | Нэгж | Дүн |
Бодит ДНБ өсөлт /2018.12/ Нэрлэсэн ДНБ /2018.12/ Инфляци /2019.02/ Гадаад худалдааны тэнцэл /2019.02/ Бодлогын хүү /2019.02/ М2 /2019.02/ Валютын нөөц /2019.02/ ГШХО /2019.02/ ОСҮИ /2019.02/ |
% тэр.төг % сая.ам$ % тэр.төг сая.ам$ сая.ам$ коэф |
6.9% 32,165 6.9% 256.1 11% 19,582 3,614 290 1.062 |
Эх сурвалж: mongolbank.mn, nso.mn
Сэтгэгдэл