Энэ жилийн “Их хурд 8” азарганы уралдаанд Төв аймгийн Баян сумын уугуул, Монголын морин спорт уяачдын холбооны тэргүүн дэд ерөнхийлөгч Б.Нямжавын хурдан хээр азарга түрүүлж, түмэн олныг баясгалаа. “Монгол туургатны морины өв соёлын наадам” нэртэйгээр Хүй долоон худагт зохион байгуулагдаж буй “Их хурд 8” наадмын түрүү магнай эзэндээ “Land cruiser” маркийн төмөр хүлгийн түлхүүр атгуулж байгаа бол уралдаанч хүүхдийг нэг өрөө байраар шагнажээ.

Төв аймгийн Баян сумын уугуул, Монголын морин спорт уяачдын холбооны тэргүүн дэд ерөнхийлөгч Б.Нямжавын хурдан хээр азаргыг энэ жилийн “Их хурд” наадамд 77 дугаартай мордсон Төв аймгийн хоёрдугаар ангийн сурагч н.Энхбаяр гэдэг найман настай хүү унаж, уралдсан байна.

“Их хурд 8” шигшмэл хурдан морьдын уралдааны азарганы уралдаан өглөө 08.00 цагаас эргэсэн бөгөөд маргааш /2019.07.21/ их насны морьдын уралдаанаар үргэлжлэх юм байна.