ӨГЛӨӨНИЙ МЭДЭЭ-MEDEE.MN САЙТЫН УНШИГЧ ТАНД

Өнөөдөр 28 хэм дулаан байх нь

Монгол Улсын Ерөнхийлөгч Х.Баттулгын АНУ-д хийж буй айлчлалын эргэн тойронд-ОНЦЛОХ ИШЛЭЛҮҮД

- Газарзүйн байрлалын хувьд дэлхийн томоохон зах зээлд хүрэх гарц, улстөрийн өндөр итгэлтэй гурав дахь хөршүүд мөн зарим банкны тооцоолж байгаагаар 32 триллион ам долларын үнэлгээтэй байгалийн баялаг байна.

- Хятадтай харьцуулахад бусад бүх л улс жижиг орон байх. Бид өөрсдийгөө жижиг улсын иргэд гэж боддоггүй. БНХАУтай 4756 км хуурай газраар хиллэдэг. Хилийн маргаан байдаггүй. Би гурван хүсэл бэлдэж ирээгүй. Учир нь би бурхантай уулзаагүй. Олон нийтэд дэлгэх шаардлагагүй олон зүйл бий.

Илүү дэлгэрэнгүйг: https://medee.mn/single/137639

ХҮМҮҮСЭЭ БИЕ БИЕДЭЭ УРАМ ХАЙРЛА

Аз жаргалтай өөдрөг байхын эхлэл нь хүмүүс бие биедээ урмын үг хайрлаж, зөв замд хөтлөх юм. Хэрэв та хэн нэгэндээ урмын үг хэлж чадвал та мөн л аз жаргалаар дүүрэн байх болно.

Дараах үгийг хэн нэгэнд хэлээд үзээрэй.

1. Та дэлхий ертөнцийн хувьд нэг л хүн. Гэхдээ нэг хүний хувьд та дэлхий ертөнц нь ч байж магадгүй.

2. Та бол цор ганц, дахин давтагдашгүй.

3. Юугаар дутуу биш, юугаар илүү гэдгээ тоол.

4. Таны өмнө тулгарсан бүхнийг та даваад л гарах нь үнэн.

5. Санаа зовохоос илүү хүнийг сульдаадаг юм гэж үгүй.

6. Та энэ хорвоод бэлэг болж ирсэн.

7. Асуудлыг удаан авч явах тусам, улам хүндэрдэг.

8. Юуг ч ноцтойгоор хүлээж авах шаардлага байдаггүй.

9. Нөхөрлөл бол таны амьдралдаа хийх хамгийн том хөрөнгө оруулалт.

Зөөхий 10 грамм

Хар талх 2 хэрчим

Хөөрүүлсэн сүү 1 стакан

Нийт илчлэг 384,2 ккал

Сүү сүүн бүтээгдэхүүн нь бие махбодийн өсөлт хөгжилтөд зайлшгүй шаардлагатай үл орлогдох амин болон тосны хүчил, амин дэм А, Д, В12, рипофлавин, кальци, фосфор, кали, магни, цайр зэрэг чухал шимт бодисуудын эх үүсвэр болдог. Зөөхийг өглөө идэхэд маш тохиромжтой. Энэ үед хүний хоол боловсруулах сисемд хялбархан боловсрогдох, хоолны дуршлыг нэмэгдүүлэх, сэтгэл санааг өөдрөг болгох ач тустай.

Эх сурвалж: Нийгмийн эрүүл мэндийн үндэсний төв

Цэцэрлэгийн цахим бүртгэл энэ сарын 22 хүртэл үргэлжилнэ

2019-2020 оны хичээлийн жилд Нийслэлийн төрийн өмчийн цэцэрлэгүүдэд шинээр элсэх хүүхдүүдийг цахим хэлбэрээр энэ сарын 22-ноос наймдугаар сарын 22-ныг хүртэлх хугацаанд бүртгэнэ. Улаанбаатар хотын хэмжээнд цэцэрлэгийн насны 147 мянган хүүхэд байгаа. Үүнээс 2017 онд төрсөн хүүхдүүдийг шинээр элсүүлнэ. Хэрэв тухайн оны 9-12 сард төрсөн хүүхдүүд элсэн орох эрх авсан тохиолдолд хоёр нас хүрснийхээ дараа тухайн бүртгүүлсэн цэцэрлэгтээ явна гэсэн үг. Харин өмнөх жилүүдэд суралцаж байсан хүүхдүүд бүртгэлийн мэдээллээ tsetserleg.ulaanbaatar.mn системд хандаж шалгах боломжтой. Мөн эцэг эх, асран хамгаалагч нар нь тухайн цэцэрлэг дээр нь наймдугаар сарын 26-28-ны хооронд өөрийн биеэр очиж гэрээ байгуулж баталгаажуулах ёстой.

Цахимаар хүүхдийнхээ бүртгэлийг хийх боломжгүй байгаа хүмүүс яах вэ?

-Хэрэв интернэт орчинд ажиллах боломжгүй тохиолдолд долоодугаар сарын 25-наас тухайн дүүргийн Боловсролын хэлтэст, наймдугаар сарын 12-ноос хамран сургах тойргийн цэцэрлэгт өөрийн биеэр очиж бүртгүүлэх ёстой. Энэхүү үйл ажиллагаа наймдугаар сарын 22-ны өдрийн 17:00 цаг хүртэл үргэлжилнэ.