ШҮХРЭЭ АВААРАЙ ДАХИАД Л БОРОО ОРОХ НЬ

ТА ХҮҮХДҮҮДИЙНХЭЭ ДҮРЭМТ ХУВЦАСЫГ АВАХ ГЭЖ БАЙНА УУ

Ерөнхий боловсролын сургуулийн сурагчийн дүрэмт хувцасыг хаанаас авах, ямар үнэтэй байгааг танилцуулж байна.

"Шилмэл загвар" ХХК-ийн сурагчийн дүрэмт хувцас худалдаалах цэгүүд:

(Доор дурдсан цэгүүдэд наймдугаар сарын 10-наас эхэлж худалдаална)

Улаанбаатар хот:

• Баруун дөрвөн зам, Голомт хотхон, Шинэ Өргөө 2 давхарт "Шилмэл загвар Fashion center"
• III, IV хорооллын Ахуй үйлчилгээний төвийн гадна талд
• III, IV хорооллын Номин их дэлгүүрийн гадна талд
• Баялаг-Ундраа худалдааны төв

Орон нутагт:

• Дархан-Уул аймгийн Хүмүүнлэгийн ухааны Их сургуулийн гадна талд
• Дорнод аймагт 13 дугаар цэцэрлэгийн хажуу талд
• Эрдэнэт хот

ДЭЛГЭРЭНГҮЙ МЭДЭЭЛЛИЙГ: https://medee.mn/single/137823

НЭМҮТ-ӨӨС ЗӨВЛӨЖ БАЙНА

ХАРШЛЫН ОРГИЛ ҮЕ ЭХЭЛЛЭЭ

Наймдугаар сар гарч шарилж, лууль зэрэг хог ургамлын тоосжилтын оргил үе эхэллээ.

ТА ХЭРХЭН УРЬДЧИЛАН СЭРГИЙЛЭХ ВЭ

-Амны хаалт зүүж болно. Гэхдээ ердийн даавуун маск үр дүнгүй. Харьцангуй нимгэн хэр нь шүүх чадвар сайтай хамрын угалзын хажуу хэсгээр агаар орохооргүй, тусгай маскыг хэрэглээрэй.

-Нүдний шил зүүвэл агаар дахь тоос шууд нүдний салст дээр буухаас хамгаална. Хэрэв нүд загатнавал аль болох нухаж маажихгүй байх, цэвэр усаар зөөлөн угаагаарай. Эсвэл эмчийн зөвлөсөн дусаалгыг хэрэглээрэй. Хэрэв нухвал зовхины зөөлөн эд гэмтэж улам улайж улцайн байдал улам хүндэрнэ.

-Гадуур яваад орж ирмэгц хувцсаа сольж байх хэрэгтэй. Ялангуяа урт үстэй бол үсээ угааж үсэнд наалдсан ургамлын тоосыг арилгаж байх нь зөв.

-Ургамлын тоос өглөө нар гарахаас эхлэн үд дунд хүртэл агаарт тархдаг. Тодруулбал, шарилж, лууль нь өглөөний 04:00-09:00, оройн 17:00-22:00 цагт тоосоо гөвдөг. Энэ үед хаалга цонхоо онгойлгохгүй байх эсвэл цонхондоо тор байршуулаарай. Үдээс хойш ургамлаас тоос ялгарахаа больдог.

-Тасалгааны эзлэхүүнд тохирсон HEPA филтертэй агаар шүүгчийг ашиглаж болно. Энэ нь тасалгааны агаарыг цэвэршүүлж гэрт харшлын шалтгаан үгүй болно.

-Хүмүүс зуны дэлгэр цагт хөдөө орон нутагт амарч байгалтайгаа аль болох ойр байх хэрэгтэй. Хүн өөрөө байгалийн “бүтээгдэхүүн” гэдэг утгаараа байгал орчиндоо ойр байж тархсан төрөл бүрийн хоруу чанар багатай бактери халдварын зүйлстэй өөрийн биеэр учирч байх тусам харшлаас сэргийлдгийг мэдэхэд илүүдэхгүй. Гэхдээ мэдээж ойр орчимд харшлах зүйлс байхгүй байх хэрэгтэй.