БНХАУ-ын Ардын банк /Төв банк/ мягмар гарагт юанийн ханшийг 240 суурь нэгжээр бууруулснаар, нэг ам.доллар 7.0810 юаньтай тэнцжээ. Тус банкны статистик мэдээллээр, энэ нь 2018 оны гуравдугаар сарын 18-наас хойших хамгийн доод ханш юм.

Юанийн ханш нь Хятадын эдийн засгийн экспортоос шууд хамааралтай хэвээр байна гэж “CITIC Securities” компанийн тэргүүлэх шинжээч Мин Мин үзэж байгаа аж.

“Юанийн ханшид дүн шинжилгээ хийхдээ суурь үзүүлэлтүүдийг эргэн харах хэрэгтэй. Ханш энэ оны эхний долоон сарын турш харьцангуй тогтвортой байсан бол долдугаар сард экспортын динамик үзүүлэлтүүд урьдчилсан таамгаас бага зэрэг давсан. Энэ шалтгаанаар экспортын түвшнийг тогтвортой түвшинд барих юм бол юанийн ханш тогтворжино. Мөн эрсдэл бага байна” гэж тэрбээр "Ицай" сонинд тайлбар өгөхдөө хэлжээ.

Эх сурвалж: Монцамэ