Хонгкогчууд Хятадын дарангуйллыг шууд эсэргүүцэн жагсаал хийгээд гурван сар гаруй боллоо. Тэдний эсэргүүцлийг дэлхийн олон хотод дэмжин жагсаж эхэллээ.

• Зургаадугаар сарын 16-нд 7.4 сая хүн амтай Хонконгчуудын хоёр сая нь эсэргүүцлийн жагсаалд оролцов.
• Долдугаар сарын 1-нд Хонконг Их Британийн колониос Хятадын бүрэлдэхүүнд шилжсэний 22 жилийн ой тохиох үеэр жагсагчид засгийн газрын хууль тогтоох зөвлөлийн байрыг эзлэв. Тэд их танхимд байрлах Хонконгийн сүлд тэмдгийг аваад оронд нь Их Британийн колонийн үеийн тугийг тавьж, будаг шүршигчээр хананд улс төрийн агуулгатай уриа бичиж эсэргүүцлээ илэрхийлсэн.
• Наймдугаар сард жагсагчид Азийн хамгийн ачаалалтай Хонконгийн олон улсын нисэх онгоц буудалд эсэргүүцлийн хөдөлгөөнөө үргэлжлүүлэв. Тэд гадаадын зочдод одоогийн нөхцөл байдлын талаар тайлбарлаж, олон хэл дээр бичигдсэн материалыг тарааж, олон улсын нийгэмлэгүүдэд дуу хоолойгоо хүргэх зорилготой байсан. Үүнээс болж 1000 орчим нислэг цуцлагдан эдийн засгийн хувьд алдагдал хүлээсэн.

Жагсагчид доорх таван зүйлийг эрх баригчдаас шаардаж байгаа юм. Хуулийн төслийг хойшлуулах нь тэдний хувьд хангалтгүй.

1. Гэмт хэрэгтнийг Хятадад шилжүүлэх хуулийн төслийг бүрмөсөн зогсоох
2. Бээжингээс томилсон Төрийн тэргүүн Кэрри Ламыг огцруулах
3. Эсэргүүцлийн жагсаалын үеэр баривчилсан иргэдийг суллах
4. Иргэдийн эсрэг хүч хэрэглэсэн цагдаа нарыг хараат бус шүүхээр шүүлгэх
5. Ардчилсан, эрх чөлөөт байдлыг бий болгох.

Лондон- Нэг талаас Хонконг нөгөө талаас Хятадын засгийн газрыг дэмжигчдийг хооронд нь тусгаарлаж байна

Лондон- Хонконгчуудыг дэмжигчид

Лондон- Хятадын засгийн газрыг дэмжигчид

Зарим жагсагч Хонконгийн жагсагчидтай адилхан хувцаслан эсэргүүцлээ илэрхийлж байна

Сидней- Хятадын засгийн газрыг дэмжигчид

Хонконгчуудыг дэмжигчид

Парис- Нэг талаас Хонконг нөгөө талаас Хятадын засгийн газрыг дэмжигчид

Нью-Йорк хотын Хятад хороолол

Ванкувер- Хонконгчуудыг дэмжигчид

Ванкувер- Хятадын засгийн газрыг дэмжигчид

Тайваны туг барьсан жагсагч