Нийслэлийн МАН-ын хорооны дарга асан Ц.Сандуй өчигдөр “Ценьзургүй яриа” нэвтрүүлэгт оролцож, 60 тэрбумын асуудал болон МАН, хувийн бизнесийн асуудлаар дэлгэрэнгүй ярилцсан. Тэрбээр

• Би 2002 онд МАХН-д элссэн.
• Төрийн албанд ажиллаж байхдаа ямар нэгэн бүлэглэл, эвсэлд харьяалагдаж байгаагүй. Дарга нарын өгсөн чиглэлийн дагуу төрийн албаны ажиллах зарчим, журмын дагуу ажлаа хийдэг байсан.
• МАН-ын өнөөгийн хагарал нь 2012 оны үеэс эхтэй юм шүү. Тухайн үед М.Энхболд, У.Хүрэлсүх хоёр түр эвлэлдээд ширээний хоёр талд суусан ч Л.Оюун-Эрдэнэ, Н.Номтобаяр нар хэрэлдээд салдаггүй байсан.
• Би тэр үед намынхаа төлөө эд нарыг эвлэрүүлэх ажлыг хийж, бүгдтэй нь уулзсан. Намайг Н.Номтойбаяртай зодолдсон талаар хэвлэлүүд бичиж байлаа. Нэг өдөр намайг У.Хүрэлсүх дуудаад “Чи МАН-д том гавьяа байгууллаа. Ах нь чиний гурван алдааг өршөөнө. Чи асуудлыг эвээр ярьж болгодог хүн. Гэхдээ намын хорооны дарга учраас загнаж, зандрах үе бас гардаг” гээд надад өөрийн өрөөнд өлгөсөн байсан ташуураа бэлэглэсэн.
• Хотын ажил уг нь улс төр орохооргүй аж ахуйн ажил байгаа юм. Сүүлийн үед хотын даргын асуудал дээр улс төржилт нэгнийгээ харлуулах үзэгдэл их гарч байна. Ялангуяа нам доторх өрсөлдөөн, нэгнийгээ дарах гэсэн процесс улс төржихөд нөлөөлж байна. Хэн ч хотын дарга байсан дээрээс өгсөн чиглэл үүрэг даалгаврыг биелүүлэх гэж ажиллана. Мэдээж гарын үсэг зурна. Гэхдээ гарын үсэг факт болоод үлдэнэ. Тухайн үед гаргасан шийдвэр зөв буруу байсан эсэхийг цаг хугацаа шийднэ, шүүнэ. Хотын төлөө хоёргүй сэтгэлээр ажилласан хүмүүс нэр хоч зүүж, зарим нь хэлмэгдэж эрүүгийн хэрэгт байгаад нь би дотроо харамсдаг. Гэхдээ үүнийг засахын төлөө л бид бүхэн явах ёстой гэж бодож байгаа.
• н.Доржзодовтой таарсан өдөр миний амьдралын хамгийн хар бараан түүх
• Надтай хамгийн ойр байсан, хамгийн их итгэдэг, хамгийн их цаг хугацааг хамтдаа өнгөрүүлсэн хүмүүс намайг яллах гэж байна. Би хардаж байгаа шүү. Хэн ямар зорилгоор энэ үйлдлийг хийж байгааг хэлүүлэлтгүй мэдэж байгаа.
• Намайг намаас хөө гэдгийг Амарсайхан захиалсан. Би энэ оны гуравдугаар сарын 12-ны өдөр Япон улсад хагалгаанд орсон ч гэсэн хотын дарга сонгох хурлуудад оролцсон. Энэ үеэр л би намаасаа хөөгдсөн. Яагаад гэхээр намын бодлогыг сөрөн хотын даргад өрсөлдөж буй Мөнхчулууны ард Сандуй байгаа учраас намаас хөө гэж Амарсайхан захиалсан. Энэ хүн өөрөө намын бодлого сөрөөд л иргэдийн хурлын дарга болж байсан.
• Нийслэлийн МАН-ын хорооны дарга асан Ц.Сандуй өдгөө 2002 оны Эрүүгийн хуулиар өдгөө 16-20 жилийн яллах зүйл ангиар зүйлчлэгдэн шалгагдаж буй. Ийм эгзэгтэй үедээ тэрбээр өнөөгийн хүчирхэг лидерүүдийн өөрт нь хандаж хэлж байсан үгсийг зориуд сануулав бололтой.