Сүүлийн үед өрнөөд байгаа олон хүний аминд хүрсэн шахмал түлшний асуудал дуулиан шуугиан дор нэг тийш болох бололтой. Учир нь, “Тавантолгой түлш” ХХК-ийн Сонгинохайрхан дүүрэгт байрлах сайжруулсан шахмал түлшний үйлдвэр нь Нийслэлийн Мэргэжлийн хяналт болон Цагдаа, Онцгой байдлын алба хаагчдын 24 цагийн хяналт дор үйл ажиллагаагаа явуулж байгаа юм байна. Нийслэлчүүд гэртээ сайжруулсан түлш түлээд түүнээсээ угаартаж амиа алдаж эхлээд байгаа төдийгүй олноороо хордож, эмнэлэгт хэвтэн эмчлүүлж байгаа болохоор айхгүй ч гэсэн аягүй гэгчээр албан тушаалтнууд хөдөлж эхэлсэн бололтой. Одоогоор цагдаа болон онцгой байдлын албан хаагчдад бэлэн байдал зарлаж, бүх албан хаагчид эргүүл, хамгаалалтад ажиллаж байгаа ажээ. Заавал ингэж тав зургаан хүнээ тавьж туусан хойноо санаж сэрэх хэрэгтэй байсан гэж үү. Аргагүй л ниргэсэн хойно нь хашгирах гээч бодоод байна уу даа.