Хошууч генерал Э.Цэрэндоржийн мэндэлсний 100 жилийн ойг тэмдэглэн өнгөрүүллээ

Aдмин / Нийслэл

Монгол цэргийн зүтгэлтэн, хошууч генерал Эмгэний Цэрэндоржийн мэндэлсний 100 жилийн ойг тохиолдуулан түүний гавьяат үйлсээс суралцах, залуу үеийнхэнд дайчин баатарлаг, хөдөлмөрч, эх оронч үзэл, хүмүүжил олгох зорилгоор Онцгой байдлын ерөнхий газраас “Хүндэтгэлийн арга хэмжээг”-г зохион байгууллаа.

Нээлтийн ажиллагаанд ОБЕГ-ын дарга, хошууч генерал Т.Бадрал, тэргүүн дэд дарга, бригадын генерал Г.Ариунбуян, даргын зөвлөлийн гишүүд, “Монгол генерал төв” ТББ-ын гүйцэтгэх захирал, доктор, профессор З.Болдбаатар болон хамтран зүтгэгчид, ахмад дайчдын төлөөлөл мөн хошууч генерал Э.Цэрэндоржийн үр хүүхэд, төрөл төрөгсөд оролцлоо.

Энэ үеэр хошууч генерал Э.Цэрэндоржийн хийж бүтээсэн үйл хэргийг таниулах илтгэлүүдийг хэлэлцүүлж, амьдрал, түүхийг харуулсан гэрэл зургийн үзэсгэлэнг дэлгэсэн юм.

Хошууч генерал Э.Цэрэндорж нь 1919 онд хуучнаар Түшээт хан аймгийн Дархан хошой Чин ван Пунцагцэрэнгийн хошуу, одоогийн Төв аймгийн Баяндэлгэр сумын Гүн галуутай гэдэг газар төрсөн байна.

Тэрээр 1942-1945 онд Баянтүмэнгийн 5 дугаар морьт дивизийн 14 дүгээр морьт хорооны сумангийн даргаар ажиллаж байхдаа хүн төрөлхтнийг фашизм, милитаризмээс чөлөөлөх дайнд оролцож, дэлхийн хоёрдугаар дайныг дуусгахад түүхэн гавьяа байгуулжээ.

Мөн 1945 оны чөлөөлөх дайны дараагаас 1973 он хүртэл суман хороо бригадын захирагч зэрэг ажлуудыг амжилттай хийж, өсөх ирээдүйтэй боловсон хүчний тоонд зүй ёсоор тооцогдон 1971 онд хошууч генерал цол хүртсэн байна гэж Онцгой байдлын ерөнхий газраас мэдээллээ.


Сэтгэгдэл

Зочин [195.46.106.44] 2019-10-11 10:49:06

Дэлхийн 2 р дайныг дуусгахад түүхэн гавья байгуулжээ гэсэн чинь юу гэсэн үг юм бэ. Хүнийг магтах гээд арай дэндүүлээд байгаа юм бишүү.Эх орондоо бие сэтгэлээ зориулсан олон мянган ахмадуудын нэг сайхан хүн байна.Үр ач нар нь өвөө шигээ сайн хүн болцгоогоорой.

Зочин [202.21.108.70] 2019-10-10 20:24:03

Майга Цэрэндорж генерал.Цэрэгт өөх өг, өөх идэхгүй цэрэг яаж өөдөлдөг юм гэж хэлдэг байсан.Их зөв байсан байгаа юм.Өөрөө ч хонины сүүлийг гулгуулдаг байна.Мундаг сайхан хүн байжээ.

zochin [59.153.84.218] 2019-10-10 15:45:06

016 r diviziin zahiragch baisan saihan buural generaliinhaa vr hvvhded ni sain saihniig hvsie.


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.