-Иргэд минь, түүхий нүүрс битгий түлээрэй. Сайжруулсан түлшээ түлээрэй-

Сайжруулсан түлшний асуудлаар Нийслэлийн Мэргэжлийн хяналтын газар, Онцгой байдлын газар, Эрүүл мэндийн газар, Агаарын бохирдолтой тэмцэх газраас ээлжит мэдээллээ сая хийлээ.

Ээлжит мэдээллийн үеэр НМХГ-ын төлөөлөл “Өчигдөр 13 шуудай түүхий нүүрс илрүүлж буцаасан. Иргэд минь түүхий нүүрс битгий түлээрэй. Иргэд маань УБ хотынхоо агаарыг цэвэр байлгахад анхаарч өөр юм битгий түлээрэй. Энэ сайжруулсан түлшээ түлээрэй. Энэ удаа ШУА-ийн Хими технологийн хүрээлэнгийн лобараторид хийсэн шинжилгээний дүнг танилцуулья. “Стандартын шаардлага хангаж байна” гэж гарсан. Шахмал түлш болон түүний үнсэнд хийсэн шинжилгээгээр хүний амь насанд хүрэх ноцтой байдал, эрсдэлтэй элемент илэрсэнгүй. Ингээд Монголд таван лабораторийн нэгдсэн дүгнэлт хоорондоо зөрсөнгүй. Хүний эрүүл мэндэд ноцтой нөлөөлөх зүйл илэрсэнгүй гэж гарсан. Тэгэхээр иргэд зөв хэрэглэх хэрэглээндээ анхаарах хэрэгтэй байна” гэсэн бол Агаарын бохирдолтой тэмцэх газрын төлөөлөл “өмнөх өдрүүдэд агаарын дундаж температур 0 градус байж өмнөх жилээс арай хүйтэн байлаа. Тоос тоосонцрын агууламж буурсан үзүүлэлттэй байна” гэсэн юм. Ингэснээр НМХГ сайжруулсан шахмал түлшийг хүнд аюулгүй гэж үзэж байгаа ажээ.

Мөн “Өнөө өглөөний байдлаар зургаан хүн нас барсан байгаа. Цагдаагийнхан тэдгээр айл өрхийн түлсэн нүүрснээс дээж аваад шинжээч томилоод ажилласан. Шүүх шинжилгээний байгууллага дүгнэлтээ хийгээд хариу хэлэх байх. Өөр гадны нөлөөлөлтэй бол цагдаагийн байгууллага хэлэх байх. Хими технологийн хүрээлэнгээс ирсэн хариунд “Хүний эрүүл мэндэд ноцтой нөлөө үзүүлэх эрдэс илрээгүй” гэсэн хариу ирсэн. Энэ нь шууд утгаараа хүний эрүүл мэндэд нөлөөлөх зүйл алгаа л гэсэн үг” гэпэг тайлбарыг дахин дахин хэлж байв.

Түүнчлэн “Иргэдэд зөв галлах тараах материалыг хүргэж өглөө, цахим ертөнцөөр мэдээлэл тарааж байна, мэдрэгч тавьж өгнө гэж байгаа. Үүгээр нэлээд асуудал шийдэх байх гэж бодож байгаа” гэсэн юм.