Нийслэлийн түргэн тусламжийн төвд гурван автомашин хүлээлгэн өглөө

Н.Алтанцэцэг / Эрүүл мэнд

Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр НЭМГ-ын харьяа Нийслэлийн түргэн тусламжийн төвд эмнэлгийн зориулалтаар иж бүрэн тоноглогдсон гурван автомашиныг хүлээлгэн өглөө.

Эмнэлгийн тусламж, үйлчилгээний чанар, хүртээмжийг сайжруулах, иргэдэд цаг алдалгүй хүрч үйлчлэх боломжийг нэмэгдүүлэх үүднээс Нийслэлийн Засаг даргын А/219 тоот захирамжийн дагуу нийслэлийн төсвийн хөрөнгө оруулалтаар түргэн тусламжийн эдгээр автомашиныг хүлээлгэн өгч, парк шинэчлэлт хийж байна. Тус арга хэмжээнд Нийслэлийн Эрүүл мэндийн газрын дарга Л.Төмөрбаатар, Нийслэлийн түргэн тусламжийн төвийн дарга Ц.Пүрэвдаш болон албаны бусад хүмүүс оролцсон юм.

image

Эмнэлгийн тусламж, үйлчилгээний зориулалт бүхий иж бүрэн тоноглогдсон “Форд” загварын автомашиныг мөн Налайх, Багануур дүүргийн эрүүл мэндийн төвд тус бүр нэгийг хүлээлгэн өгчээ.

Нийслэлийн Засаг дарга бөгөөд Улаанбаатар хотын захирагч С.Амарсайхан энэ үеэр “Яаралтай түргэн тусламжийг иргэдэд цаг алдалгүй үзүүлэхэд эмнэлгийн зориулалтаар иж бүрэн тоноглогдсон эдгээр автомашин зайлшгүй хэрэгтэй юм. Нийслэлийн эдийн засаг, нийгмийг 2020 онд хөгжүүлэх үндсэн чиглэлд эмнэлгийн тусламж, үйлчилгээний чанар, хүртээмжийг нэмэгдүүлэх хүрээнд парк шинэчлэлийг 50-60 хувь хүртэл хийхээр тусгасан байгаа. Тиймээс эрүүл мэндийн байгууллагуудын парк шинэчлэлийн асуудалд анхаарч ажиллана” гэсэн юм.

Хүйтний улирал эхэлж байгаатай холбогдуулан томуу, томуу төст өвчний дэгдэлт, осол гэмтэл, баяр ёслолын өдрүүдэд гарах хордлого, халдварт өвчин зэргээс үүдэн яаралтай түргэн тусламжийн төвийн дуудлага эрс нэмэгддэг билээ.

Харин эдгээр автомашиныг хүлээлгэн өгснөөр эмнэлгийн тусламж, үйлчилгээг иргэдэд цаг алдалгүй хүргэх төдийгүй эрүүл мэндийн байгууллагад ашиглалтын хугацаа дууссан, нэмэлтээр шаардлагатай байгаа автомашины хэрэгцээ, шаардлагыг хангасан томоохон хөрөнгө оруулалт болж байгаа юм.


Сэтгэгдэл

Зочин [66.181.161.116] 2019-10-15 09:52:33

ард түмний татвараар авлаа гээч дээ.

Батаа [202.126.88.215] 2019-10-14 23:41:01

Өмнөх Засаг дарга, орлогч нар 20-30-аар нь авч өгдөг байсан биз дээ

Зочин [202.126.88.194] 2019-10-14 17:13:08

АРД ТҮМНИЙ МӨНГӨӨР АВЧ БАЙГАА ЮМАН ДЭЭР ШОУЧИН ДАРГА НАР ӨӨРИЙН КАРМАНААС ӨГСӨН ЮМ ШИГ ШОУДАХАА БОЛЬ. АЛЬ Ч ЗАСГИЙН ИЙМ АЖИЛ ХИЙГДЭХ ЁСТОЙ, ХИЙГДЭЖ Л БАЙДАГ.

Соната хог [202.179.25.126] 2019-10-14 16:40:33

Ашгүй гоё форд өгсөн байна. Хогийн хьюндайг аймар өнлөр үнээр шахаад байсан. Монгол хьюндай автомотив


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.