Хандгайт, Улиастайн Шарын аманд баавгайн мөр илэрчээ

Ц.Анударь / Нийслэл

Өнгөрсөн амралтын өдрүүдэд зуслангийн бүсэд баавгайн мөр илэрсэн талаар мэдээлэл гараад буй.

Энэ талаар нийслэлийн Байгаль орчны газрын Амьтан, ургамал хариуцсан мэргэжилтэн Ц.Цолмонбаатартай холбогдож тодруулахад “Өчигдөр /Ням гарагт/ Хандгайт орчимд шинэ цасан дээр баавгайн мөр олдсон талаар эргүүл хяналтынхан мэдэгдсэн. Очоод шалгахад нас бие гүйцсэн баавгайн мөр байсан. Хоёр өдрийн өмнө /Бямба гарагт/ Улиастайн Шарын аманд мөр байгаа талаар иргэнээс мэдээлэл ирсэн. Богд уул орчимд Ан амьтан хамгаалах нийгэмлэгийнхэн баавгайн мөр, баас илрүүлсэн талаараа мөн өөрсдийн фэйсбүүк хуудастаа бичсэн байна. Үүнийг Богд уулын хамгаалалтын захиргаа хариуцан мэдээллийг хүлээн авсан. Тиймээс байгаль хамгаалагчид ойн бүсэд амьдарч байгаа иргэдэд мах, хүнсний бүтээгдэхүүнээ гадаа ил хадгалахгүй байх талаар зөвлөмж, мэдээлэл хүргүүлж байна. Иргэддээ ганц нэгээрээ ой мод руу орохгүй байхыг зөвлөж байна. Мөн баавгай харсан тохиолдолд нуруугаа харуулахгүй, ухарч холдоод зугтах, нүд рүү эгцэлж харахгүй байхыг амьтан судлаачид зөвлөдөг” гэсэн юм.

Өнгөрсөн жил баавгай нийслэлийн суурьшлын бүс уруу орж ирсэн хоёр тохиолдол бүртгэгдсэн бол он гарсаар гурван удаагийн мөр олдоод байна.

Үүнтэй холбогдуулан Нийслэлийн Засаг дарга энэ сарын 16-ны өдөр А/1059 тоот захирамж гарган зэрлэг амьтан ялангуяа баавгайтай холбоотой асуудлыг газар дээр нь очиж шийдвэрлэх зэрлэг амьтадтай холбоотой эрсдэлээс урьдчилан сэргийлэх нийслэлийн шуурхай багийг байгуулсан. Ингэхдээ унтуулгын буу, амьд баригч зэргийг авах зардлыг шийдвэрлэж өгчээ. Шуурхай багийг НБОГ орлогч дарга ахлах бөгөөд бүрэлдэхүүнд Хан Хэнтийн улсын тусгай хамгаалалттай газруудын хамгаалалтын захиргаа, Богдхан уулын дархан цаазат газрын Хамгаалалтын захиргаа, Горхи-Тэрэлжийн байгалийн цогцолборт газрын хамгаалалтын захиргаа, Нийслэлийн Цагдаагийн удирдах газар, Нийслэлийн Мэргэжлийн хяналтын газар, Нийслэлийн Онцгой байдлын газар, Зоонозын өвчин судлалын үндэсний төв, Мэргэжлийн анчдын холбоо, Агнуур судлалын нийгэмлэгийн төлөөллийг оролцуулж байгаа юм байна.

Зэрлэг амьтдын учруулж болзошгүй аюул, эрсдэлээс өөрийгөө болон бусдыг хамгаалах зорилгоор урьдчилан сэргийлэх зөвлөмжтэй танилцаж, зэрлэг амьтад суурьшлын бүс рүү орж ирсэн тохиолдолд Шуурхай багийн 99995899 дугаар, Нийслэлийн Шуурхай удирдлага, зохицуулалтын төвийн 11310005 дугаарт цаг алдалгүй мэдэгдэхийг Нийслэлийн байгаль орчны газраас анхаарууллаа.


Сэтгэгдэл

Зочин [202.131.239.170] 2019-10-22 14:44:01

Хүний аминд хүрэхээс нь өмнө суурьшлийн бүсэд орж ирсэн баавгайг зайлуулах алах хэрэгтэй.

Irgen [202.9.42.2] 2019-10-21 19:34:55

Hamag samar.jimsiig n hytadruu gargaad.baavgaid hoolgui bolood hot tosgodruu irj bn.Yg iim ued samar idej biee sain bolgodog gj sudlaavhid yrisaar bn.Samar n bhgui hetsuu shde

Zochin [66.181.161.112] 2019-10-21 18:16:53

Alaach. Araatan hend heregtei yum.

zochin [185.39.141.21] 2019-10-21 17:32:46

opshor . tonuulchin deeremchin aluurchin munkhorgiliig tasdaj ideh oin hvren

ddd [49.0.144.72] 2019-10-21 17:16:42

yavj l baig baigaliin amitan. ene delhiid gantshan hun amidrah yostoi yumu,

хх [202.55.191.205] 2019-10-21 16:31:08

явж л байг хүмүүс өөрсдөө болгоомжтой байх хэрэгтэй манайхан хэнэггүй шүү баавгайтай нүүр тулахаараа л ойлгож магадгүй байх

Чойр [64.119.25.86] 2019-10-21 16:14:58

Хүнээ идүүлж байсанаас наадуулаа алаа одоо


7 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.