Францын Пастер хүрээлэнгийн эрдэмтэд “GDF11” хэмээх уураг нь хөгшрөх үйл явцыг сааруулж, хорт хавдар тусахаас урьдчилан сэргийлдэг болохыг тогтоож энэ тухай “MedicalXpress” цахим хуудсанд нийтэлсэн байна.

Тэд хулганууд дээр хэд хэдэн туршилт хийсэн бөгөөд “GDF11” уураг нь зүрхний өвчин, хорт хавдраас урьдчилан сэргийлэхэд үр дүнтэй гэдгээ харуулсан хоолны дэглэмийн үр нөлөөг нэмэгдүүлэхэд тусалдаг болохыг тогтоожээ. Мөн хөгшин мэрэгчид уг уургийг тарихад тархины цусан хангамжийг сэргээж, нейрогенез буюу тархины эс шинээр үүсэх үйл явцыг эрчимжүүлж байсан байна.

“Таргалалт, мэдрэлийн эсийн өвчин зэрэг бодисын солилцооны зарим өвчнийг эмчлэхэд GDF11-ийг ашиглах боломжтой гэдэг найдлагыг төрүүлж байна” гэж судалгаанд оролцсон эрдэмтэн Пьер-Мари Льедо ярьжээ.

Эх сурвалж: Риа Новости