“Сэрсэн тал” хөгжмийн бүтээл өнөөдөр 35 дахь жилдээ үзэгч сонсогчдоо баясгах гэж байна. Энэ аугаа бүтээл анх 1984 оны арваннэгдүгээр сарын 25-нд зохиогдож байжээ. Харин өнөөдөр 35 насныхаа “ойгоор” Үндэсний урлагийн их театрын тайзнаа эгшиглэх гэж байна. Учир нь “Чингис хаан” одонт, Хөдөлмөрийн баатар, Төрийн соёрхолт, Урлагийн гавьяат зүтгэлтэн Б.Шаравын хөгжим “Сэрсэн тал-35” нэртэй хүндэтгэлийн тоглолт өнөөдөр болох юм. Аугаа Б.Шарав тэнгэрт заларсан ч, аугаа бүтээл л эгшиглэсээр. Хүний хийсэн бүтээсэн мөнхөд орших жам хөвөрсөөр. Энэ нь энгийн бидэнд ч эргэж мөрөө харж амьдрах ухааныг учирлаж байх шиг.