"Исламын улс" бүлэглэл удирдагч агсан Абу Бакр аль-Багдадийн залгамжлагчаар Абу Ибрахим аль-Хашеми аль-Курашиг нэрлэжээ. Шинэ удирдагчийн талаарх мэдээлэл, зураг сэлт тодорхой бус ч исламын дайчдын дунд алдартай нэгэн гэлээ.

Мөн шинэ удирдагчдаа итгэл үзүүлж, түүнийг хүндэтгэн дагахыг исламын шашинтнуудад уриалжээ. Бүлэглэлийн шинэ хэвлэлийн төлөөлөгч Абу Хамза аль Карши "Багдадиг устгасандаа баярлах хэрэггүй. Манай бүлэглэл зөвхөн Европ, төв Африкийг эзлээд зогсохгүй. Бид дорноос өрнө хүртэл улам тэлэх болно” гэжээ.

Тэгвэл Америкийн аюулгүйн хүчин Абу Ибрахим аль-Хашеми аль-Кураши гэдэг нэр бүртгэлд байхгүй гэлээ. Магадгүй зөнч Мухаммадын Кураяш овгийн нэрнээс зээлсэн зохиомол нэр гэж үзэж байна.