Улсын хэмжээнд нийт 115 удаагийн ой хээрийн гал түймэр гарчээ

Ц.Анударь / Байгаль орчин

2019 оны эхний арван сард улсын хэмжээнд гарсан обьектын болон ой, хээрийн түймрийн нөхцөл байдлын мэдээлэл гарчээ.

Обьектын гал түймрийн нийт 3,611 удаагийн дуудлага бүртгэгдсэн байна. Үүнээс 1,396 дуудлагад гал түймэр унтраах аврах анги ажилласан бол 2,059 нь зөрчил, 161 мэдээлэл бүртгэгджээ.

Түймрийн улмаас 9.4 тэрбум төгрөгийн хохирол учирч, 51 хүн нас барж, 63 хүн түлэгдэж гэмтэн 578 толгой мал хорогдож, 1,452 гэр, орон сууц шатсан байна.

Энэ нь өнгөрсөн оны мөн үетэй харьцуулахад гал түймрийн тоо 19 хувиар өссөн ч учирсан хохирлын хэмжээ 37 хувь буурсан үзүүлэлт аж.

Аврагчид 1,034 хүний амь насыг болон 53.1 тэрбум төгрөгийн өмч хөрөнгийг авран хамгаалжээ.

Харин улсын хэмжээнд 14 аймгийн 54 суманд нийт 115 удаагийн ой, хээрийн гал түймэр гарсан.

Урьдчилсан байдлаар 50.5 мянган га ой болон 261.4 мянган га хээрийн талбай, нийт 312 мянган га талбай түймэрт өртөж 13 байшин, дөрвөн гэр шатсан байна.

Түймрийн улмаас байгаль экологид 23.7 тэрбум төгрөг, түймрийг унтраахад 449.6 сая төгрөгийн зардал гарч, нийт 24.2 тэрбум төгрөгийн хохирол учирчээ.

Эх сурвалж: ОБЕГ


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.