Гэр хорооллын айл өрхийн 97.3 хувь нь нүхэн жорлон ашиглаж байна

Н.Алтанцэцэг / Нийслэл

Улаанбаатар хотын хувьд зовлон бэрхшээл олон бий. Замын түгжрэл, агаарын бохирдол, тоосжилт, хүн амын төвлөрөл, стресс бухимдал гээд тоочоод байвал тоймгүй их. Их хотынхоо ааг амьсгааг мэдрэлгүй, толгой өндийх ч сөхөөгүй ажиллаж, амьдарч буй бидний нүдэнд харагдаж, гарт мэдрэгдэхгүй эрүүл мэндэд, ундны усанд нөлөөлж буй зүйл бол хөрсний бохирдол юм. Гэр хорооллын айлуудын ил жорлон, бохир ус, дээр нь автомашины зах, томоохон худалдааны төвүүдээс гарч буй хог хаягдал, шатахуун нь хөрсний бохирдлын эх үндэс болдгийг мэргэжилтнүүд хэлдэг. Харин эдгээр асуудалд дорвитой арга хэмжээ авч чадахгүй өнөөдрийг хүрч байгаа.

ЧИНГЭЛТЭЙ, БАЯНЗҮРХ, ХАН-УУЛ, СОНГИНОХАЙРХАН ДҮҮРЭГТ ХӨРСНИЙ БОХИРДОЛ ИХТЭЙ

Мэргэжлийн хяналтын газраас хавар, намрын улиралд Нийслэлийн суурьшлын бүсэд хөрсний бохирдлын шинжилгээ хийдэг юм байна. Өнгөрсөн 2018 оны зургадугаар сараас аравдугаар сарын хооронд нийслэлийн есөн дүүргийн хүн амын суурьшлын бүсийн 74 цэгээс нийт 139 дээж авч НМХГ-ын төв лабораторид, нянгийн тоо, гэдэсний савханцарын таньц, гэдэсний бүлгийн эмгэгтөрөгч нян зэрэг үзүүлэлтээр шинжилсэн аж. Энэхүү хөрсний нян судлалын бохирдлын төвшингөөр 2018 онд Чингэлтэй, Баянзүрх, Хан-Уул, Сонгинохайрхан дүүрэгт бусад дүүргээс хөрсний бохирдол ихтэй. Харин Багахангай, Налайх, Багануур дүүрэгт бага бохирдолтой үнэлэгджээ.

Нийслэлийн суурьшлын бүсийн хөрсний нян судлалын бохирдлын үзүүлэлт .

Хөрсний дээж авсан цэг

Нян судлал /хавар/ 2018

Нян судлал /намар/ 2018

1

Баянгол дүүрэг

Бага 2, дунд 1, их бохирдолтой 4

-

2

Баянзүрх дүүрэг

Бага 1, Дунд 4, их бохирдолтой 6

Бага 2, Дунд 4, Их 2

3

Хан-Уул дүүрэг

Бага 2, дунд 7, их бохирдолтой 1

Бага 2, Дунд 7, Их 1

4

Сонгинохайрхан дүүрэг

Бага 4, дунд 4, их бохирдолтой 3

Бага 1, Дунд 5, Их 5

5

Сүхбаатар дүүрэг

дунд 4, их бохирдолтой 6

Бага 1, Дунд 5, Их 4

6

Чингэлтэй дүүрэг

дунд 1, их бохирдолтой 6

Дунд 1, Их 6

7

Багануур дүүрэг

Бага 7

Бага 7

8

Багахангай дүүрэг

Бага 3, Дунд 1

Бага 1, Дунд3

9

Налайх

Бага 6

Бага 6

НИЙТ ДУНДАЖ

Нийт 74 дээж:

Бага 25-34.2%,

дунд 22 -30.1%,

их бохирдолтой 26-35.6%

Нийт 65 дээж:

Бага 20 -30.7%,

дунд 25-38.4%,

их бохирдолтой 18-27.69%

Нийслэлийн суурьшлын бүсийн хөрсний дээжинд хийсэн нян судлалын шинжилгээгээр 2018 онд “их бохирдолтой” ангилалд хамаарсан цэгүүдийг ангилж үзвэл дийлэнх хувь нь үйлдвэрлэл үйлчилгээний газрууд, гэр хороололд байна.

Хөрсний нян судлалын бохирдлын түвшин 2009-2018 он

ГЭР ХОРООЛЛЫН ИРГЭД РҮҮ ЧИГЛЭСЭН НЭГ Ч ЗҮЙЛИЙГ ХИЙХГҮЙ БАЙНА

Нийслэлийн хөрсний бохирдол ямар их байгааг дээрх тоон үзүүлэлтээс харж болно. Гэр хорооллын айл өрхийн 97.3 хувь нь инженерийн шугам сүлжээнд холбогдоогүй учраас нүхэн жорлон ашиглаж байна. Гэр хорооллын иргэдийн хувьд “Агаар болон хөрсний бохирдлыг багасгах асуудлыг сүүлийн хэдэн жил ярьж байна. Гэвч үнэн хэрэгтээ буурч багассан зүйл байхгүй байна. Харин ч жил ирэх тутам нэмэгдэж байгаа. Амаар ярихаас илүүтэй бодит ажлыг хиймээр байна. Утаа агаар хөрсний бохирдлоос салах хамгийн энгийн арга бол орон сууцжуулах. Орон сууцны зээлийн иргэд хүртээмжтэй болгомоор байна. Хамаг муухай зүйлийг гэр хорооллын иргэдээс боллоо гэж хэлдэг. Үнэн хэрэгтээ гэр хорооллын иргэд рүү чиглэсэн нэг ч зүйлийг хийхгүй байна. Бидэнд орон сууцанд хамрагдах боломж байхгүй. Иймээс гэр хороололд амьдрахаас өөр арга байхгүй” гэдгийг хэлж байлаа.

ИПОТЕКИЙН ЗЭЭЛД ХАМРАГДАХ ХҮСЭЛТЭЙ 71798 ӨРХ БАЙГАА ГЭСЭН СУДАЛГАА БАЙДАГ

Улаанбаатар хотыг утаагүй болгохын тулд гэр хорооллын 216 орчим мянган өрхийг орон сууцанд хамруулж модон жорлонгоос нь ангижруулах шаардлагатай. Жилийн найман хувийн хүүтэй ипотекийн зээлд хамрагдах хүсэлтэй 71798 өрх байгаа гэсэн судалгаа байдаг. Энэ тоон үзүүлэлтээс харахад орон сууцанд хамрагдах иргэдийн хүсэл ямар байгааг илтгэж байна. Нийслэлчүүдийн хувьд өвөл нь утаатай тэмцэж, урь ормогц хөрсний бохирдлын асуудалтай нүүр тулаад олон арван жилийг өнгөрөөж байгаа гэж хилсдэхгүй. Нийслэлийн иргэд хэзээ цэвэр агаартай цэмцгэр орчинд амьдарна.


Сэтгэгдэл

Зочин [66.181.184.210] 2019-11-06 22:02:54

Утаа , жорлон , угаадас , үнс , хог хаягдал , тоосжилт зэргийг шийдэх ганц зөв арга бол гэр хороололруу цэвэр , бохирын шугам татаж , зам тавих юм шүү

MGL [153.208.80.157] 2019-11-06 20:27:22

Ger horoolliig ter chigeer ni gazartai tegshilj bhgui bolgood, oron suutsaar hangaachee pizdakuudaa, MGL-chuud bid hedii boltol ingej agaar, us, hurs, orchnii bohirdoltoi, Ulaanbaatar hemeeh nertei avarga jorlond amidrah yum be pizda gej, tum buman pizda-nii asuudal problem, sress-uud ih, olon bh yumaa pizda.....!!!!!

Зочин [202.21.109.62] 2019-11-06 18:06:56

Гэр хорооллыг орон сууцжуулах хэрэгтэй байна .Ууланд,усны дэргэд айлыг байлгахгүй хоригломоор байна.Яаралтай орон сууцаар хангаж өгөх талаар бодлого боловсруулж шийдвэр гарга.

IRGEN [103.14.38.134] 2019-11-06 11:49:35

Хөрсний бохирдолыг арилгахын тулд орон сууцжуулах хэрэгтэй. Бид байранд амьдарч байгаа ч гэр хорооллын хөрсний бохирдолд бүгд л бохирдож байна. Өвөлдөө утааны үнэр, зундаа хөрсний бохирдолд бид хордож олон өвчний их үүсвэр болж байна. Иймээс гэр хорооллыг нэн яаралтай орон сууцжуулах хэрэгтэй байна.

Зочин [64.119.20.36] 2019-11-06 10:28:25

Bid uursduu denduu archaagui shuu dee! Ta nar ailuudiin jorlong haraarai. Hamgiin muu hayagdal, hereggui bolson zuileer jorlongoo baridag. Uursduu hicheevel shine tehnologi, eldev bodis zunduu l bna.

Зочин [192.82.70.200] 2019-11-06 09:59:29

Ер нь нэртэйгээр нь бааж шээхийг нь хуулиар хорьчихооч дээ.

зочин [66.181.171.34] 2019-11-06 09:58:18

төрөөс хийж байгаа ажил их байна, гэхдээ зөвхөн амь аргацаасан ажил л даа, шууд орон сууц барих, эсвэл орон сууцаа газраар солих, ерөөсөө дээрх асуудлыг шийдэх хамгийн сайн гарц бол орон сууцжуулах явдал

зочин [66.181.171.34] 2019-11-06 09:54:52

газрын орон сууцаар солих бодлого явуулах хэрэгтэй, дахин төлөвлөлтийн ажлыг эрчимжүүлэх, компани иргэн хоёрыг тулгачих юм, төр, нийслэл өөрөө оролцохгүй байна, иргэдийн эрүүл мэндийг хамгаалах урьдчилан сэргийлье гэж байгаа бол үүнээс эхлэх хэрэгтэй, хамгийн гол нь агаар хөрсний бохирдлыг арилгах, цэвэр агаар амьсгалж байгаа хүн өвчин тусахгүй, энийг сайн мэддэг хирнээ олигтой арга хэмжээ авахгүй байна, хэдхэн дахин төлөвлөлт дээр ажиллаад тэрийгээ ажил хийсэн гэж үздэг, хотын ойролцоох газарт өндөр давхрын орон сууцыг барих шаардлагатай, хэн жорлон болон бохир орчинд амьдрахыг хүсэх вэ дээ, иргэд газраас чөлөөлсөн тохиолдолд орон сууц барина гэж байгаа, олон жил суурьшсан газартаа хүмүүс байгаад байхыг л хүсдэг, тийм болохоор төрийн оролцоо маш чухал, иргэдийн эрх ашгийн төлөө төр оролцож төмөр нүүрээ заримдаа харуулах нь зүйтэй байна.

b [66.181.168.8] 2019-11-06 09:36:43

jorlong ch яахав шийдэж болж байна, угаадсаа яах вэ, цэвэр, бохирт л холбочиохдог бол сайхан даа


9 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
9 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.