Нийгмийн даатгалын салбарын санхүүгийн ажилтнуудыг чадавхжуулж байна

Aдмин / Нийгэм

Нийгмийн даатгалын ерөнхий газар нь Азийн хөгжлийн банкны санхүүгийн дэмжлэгтэйгээр Нийгмийн даатгалын салбарын ажилтнуудыг чадавхжуулах сургалтыг өргөн хүрээнд, системтэй зохион байгуулж байна. Өнөөдөр /2019.11.11/ салбарын санхүүгийн ажилтнуудыг чадавхжуулах ээлжит сургалт эхэллээ. Сургалтад нийгмийн даатгалын төв орон нутгийн байгууллагын нягтлан бодогч, мэргэжилтнүүдээс бүрдсэн 137 санхүүгийн ажилтан, албан хаагч оролцож байна.

image

Нийгмийн даатгалын ерөнхий газрын дэд дарга Г.Саран сургалтыг нээж хэлсэн үгэндээ “Бид энэ жил 1.4 их наяд төгрөгийн орлого хуримтлуулж, 1.7 их наяд төгрөгийн зарлагыг санхүүжүүлээд байна. Өөрөөр хэлбэл өнгөрсөн жилийнхээс орлого 36.4 хувиар, зарлага 21 хувиар тус тус өсчээ. Нийгмийн даатгалын салбарын санхүүгийн ажилтнууд нь хууль тогтоомжийн биелэлтийг зохион байгуулах, тэр дундаа нийгмийн даатгалын санг бүрдүүлж, орлого, зарлагын гүйцэтгэлийг хангах, даатгуулагчдад тэтгэвэр, тэтгэмжийг хуульд заасан хугацаанд олгоход онцгой үүрэгтэй ажилладаг. Иймд улсын нэгдсэн төсвийн 25 хувийг бүрдүүлж буй томоохон салбарын санхүүг хариуцан ажиллаж буй та бүхэн мэдлэг, ур чадвараа сайжруулж, хяналт, хариуцлагатай ажиллахад онцгой анхаарах хэрэгтэй” гэсэн юм.

Сургалтаар Төрөөс нягтлан бодох бүртгэлийн талаар баримтлах бодлого, Төсвийн бодлого чиглэл, Нягтлан бодох бүртгэлийн олон улсын стандарт болон Нийгмийн даатгалын салбарын нягтлан бодох бүртгэлийн бодлогын хэрэгжилт, салбарын хууль тогтоомжийн өөрчлөлт, програм хангамжийн шинэчлэлийн талаар мэргэжил арга зүйн зөвлөгөө өгч буй нь оролцогчдын мэдлэгийг дээшлүүлэхэд ихээхэн ач холбогдолтой юм. Сургалт 3 өдөр үргэлжилнэ.


Сэтгэгдэл

Zochin [202.179.27.57] 2019-11-12 03:23:36

Heden maliig chadavhjuulaad ch yadagiin. Orond ni jaahan hun chanar suulgaj ugvul taarna. Esvel bur ND heltsuudiig tatan buulgaval taarna.

зочин [66.181.180.37] 2019-11-11 10:02:52

Нд ын байцаагч нарын тархийг сайн цэнэглэх хэрэгтэй их зантай дугарч ядсан ихэмсэг улсыг адистатчлах хэрэгтэй

Нүд чих [202.126.88.211] 2019-11-11 06:55:08

НДБ-ын нүсэр тогтолцоог багасгах,эсвэл төвлөрүүлэлтийг нь татвартай нэгтгээд,зөвхөн зарлага талд нь нийгмийн халамж ,тэтгэвэр тэтгэмж хариуцсан цөөхөн орон тоо ажиллах нь зөв.Бүх тооцоо бичиг баримт автоматчисан,компьютороор хийж байхад,гар тооны машин,сампингаар хийж байсан үеэс илүү их орон тоо ажиллаж, шимтгэлээ нэмээд данхайгаад зүгээр сууж сорогчид олширсоор байх юмдаа.

Зочин [202.126.89.160] 2019-11-11 05:40:29

Амжилт хvсье


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.