УИХ-ын гишүүн З.Нарантуяа Европын сэргээн босголт, хөгжлийн банкны Улс төрийн зөвлөх Жонатан Ависыг хүлээн авч уулзав

Aдмин / Нийгэм

Монгол Улсын Их Хурлын гишүүн З.Нарантуяа өнөөдөр (2019.11.13) Европын сэргээн босголт, хөгжлийн банкны Улс төрийн зөвлөх Жонатан Авис болон Монгол Улс дахь Суурин төлөөлөгч Ирина Кравченко нарыг хүсэлтийнх нь дагуу хүлээн авч уулзлаа.

Уулзалтын эхэнд Европын сэргээн босголт, хөгжлийн банкны Монгол Улс дахь Суурин төлөөлөгч Ирина Кравченко тус банкнаас Монгол Улсад хэрэгжүүлж буй төсөл, хөтөлбөрүүдийн тухай товч танилцуулсан юм.

Тус банкны Улс төрийн зөвлөх Жонатан Ависын Монгол Улсын Үндсэн хуульд оруулж буй нэмэлт, өөрчлөлтийн талаарх асуултад УИХ-ын гишүүн З.Нарантуяа хариулт өглөө. Тэрбээр, Улсын Их Хурлын даргын 2019 оны 09 дүгээр сарын 30-ны өдрийн 199 дүгээр захирамжаар байгуулагдсан Монгол Улсын Үндсэн хуульд нэмэлт, өөрчлөлт оруулах, Ард нийтийн санал асуулга явуулах тухай асуудлаар зөвшилцөх, судлах ажлын хэсэг болон ярилцаж буй нэмэлт, өөрчлөлтийн талаар товч мэдээлэл өгсөн юм.

Мөн уулзалтаар талууд баруун бүсийн дэд бүтцийн хөгжлийг дэмжих, хувийн хэвшлийнхний чадавхыг бэхжүүлэх, үйлдвэрлэлийг хөгжүүлэх, хил орчмын бүс нутгийн зах зээлд нэвтрэх боломжийг нэмэгдүүлэх чиглэлээр хамтран ажиллахаар санал солилцов.


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.