ШУА-ийн хүрээлэнгүүдтэй хотын удирдлагууд танилцлаа

Aдмин / Нийслэл

Жил бүрийн арваннэгдүгээр сарын сүүлийн долоо хоногт шинжлэх ухааны ажилтны баярын өдрийг тэмдэглэн өнгөрүүлдэг уламжлалтай. Энэхүү өдрийг угтаж Монгол Улсын Шинжлэх ухааны Академийн харьяа хүрээлэнгүүдийн үйл ажиллагаатай хотын удирдлагууд танилцлаа.

Шинжлэх ухааны байгууллага, нийслэлийн нутгийн захиргааны байгууллагын бүтээлч хамтын ажиллагааг хөгжүүлэх, цаашид Улаанбаатар хотыг хөгжүүлэхэд шинжлэх ухааны үндэслэлтэйгээр эрдэмтдийн оролцоотой шийдэх гарцыг судлах, хамтран ажиллах талаар Нийслэлийн инновац, технологийн асуудал хариуцсан төслүүдийн удирдагч М.Халиунбат тэргүүтэй төлөөлөгчид өчигдөр Шинжлэх ухааны академийн Газарзүй, геоэкологийн хүрээлэн болон Философи, социологи эрхийн хүрээлэнгүүдтэй танилцлаа.

Энэ үеэр Хүн төвтэй бодлого, Орчин төвтэй шийдэл, Төлөвлөлт төвтэй хөгжил бодлогыг хөгжүүлэхэд нийслэлд тулгамдаж буй хөрс, усны бохирдол, халиа, цэцэрлэгжүүлэлт, хот төлөвлөлт, хүн амын шилжилт хөдөлгөөн гэх мэт олон асуудлыг багцалсан судалгаа шинжилгээний үр дүн, хэрэгжүүлэх технологиуд байгааг салбарын эрдэмтэд танилцуулсан юм. Цаашид нийслэлтэй хамтарч ажиллах богино, дунд, урт хугацааны төлөвлөгөө гаргахаар болжээ. Эхний ээлжид хөрсний бохирдлын асуудлаар хамтарсан ажлын хэсэг байгуулж цаашид нийгмийн гол асуудал болох ажилгүйдэл, боловсролын чиглэлээр социологийн судалгааг хамтран хийхээр төлөвлөж байгаа юм байна.

Эх сурвалж: ШУА


Сэтгэгдэл

Зочин [66.181.178.150] 2019-11-20 21:41:40

юуг үздэг юм хийх юмгүй улс худлаа улс төржиж байх юм

mr [66.181.164.157] 2019-11-20 18:56:07

SHUA gedeg heseg uvuu nariig tejeedeg baiguullagaa tatan buulgamaar um. sudalgaanii ajiluudiig ih surguuluidad uguud boloo. yun olon hureelentei um be. ene olon hureelen mongol ulsiin hugjild hir um oruulav?

Зочин [103.212.118.168] 2019-11-20 13:06:18

Шугаман бус тооцоолон бодох ухааны судалдаг хүн байна уу. Шинжлэх ухааны академийн цол хэргэмийг хэрэгсэхгүй судалгаа хийх боломжийг олгохгүй бол бид дэлхийгээс хоцорлоо. Дэлхий хэдийнээ Квант тооцоолон бодох машины эринд шилжээд байна. Бид хоосон доктор гэсэн цаасаар хууртагдаж эрдмийн ажлыг боож хаасаар байх уу.


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.