Нийслэлийн Мэргэжлийн хяналтын ерөнхий газрын Хүнсний аюулгүй байдал, хөдөө аж ахуйн хяналтын хэлтсийн байцаагчид иргэнээс ирсэн гомдлын дагуу Баянзүрх дүүргийн 12дугаар хорооны нутаг дэвсгэрт орших Чулуун овоо дахь “РМТ” ХХК-ийн худалдааны агуулахад хяналт шалгалт хийсэн байна.

Шалгалтаар хадгалалтын болон хэрэглэх хугацаа хэтэрсэн хүнсний бүтээгдэхүүн хадгалж байсан зөрчил илэрч, хавтаст хэрэг нээхээр болжээ. Хяналт шалгалт үргэлжилж байгаа гэж НМХГ-аас мэдээллээ. Шинэ жилийн баяр дөхсөн энэ үед хүүхэд багачуулдаа бэлэг сонгохдоо хадгалалтын хугацааг сайтар шалгахыг хэрэглэгчдэд анхааруулж байна.