Албан тушаалтны ашиг сонирхлын зөрчилд хамаарах 553 гомдол, мэдээллийг хянан шийдвэрлэжээ

Ц.Анударь / Хууль

Авлигатай тэмцэх газрын Хяналт шалгалт, дүн шинжилгээний хэлтсээс 2019 оны 3 дугаар улиралд иргэдээс албан тушаалтны авлига, ашиг сонирхлын зөрчлийг шалгуулахаар хандсан 553 өргөдөл, гомдол, мэдээллийг хянан шийдвэрлэсэн байна.

Сүүлийн саруудад албан тушаалтны авлига, ашиг сонирхлын зөрчлийг шалгуулахаар хандсан гомдлын тоо илт нэмэгдэж байна. Өнгөрсөн долоо хоногт хянан шалгасан гомдол, мэдээллийн 5 нь албан тушаалтнуудын буруутай үйл ажиллагаатай холбоотой байх бөгөөд хууль зөрчсөн албан тушаалтнуудад хариуцлага тооцуулах албан бичгийг хүргүүлэв.

Гомдол, мэдээллийн шийдвэрлэлтээс харахад орон нутагт хэрэгжүүлж буй Орон нутгийн хөгжлийн сан, Сум хөгжүүлэх сан болон бусад худалдан авах үйл ажиллагаатай холбоотой, хамаарал бүхий этгээдийн хувийн эрх ашгийг хөндсөн захиргааны акт гаргасан, төсвийн хөрөнгийг хууль бусаар зарцуулсан, ашиг сонирхлын зөрчил үүссэн нөхцөлд мэдэгдэл гаргаагүй зэрэг зөрчил түгээмэл гарч байна. Цаашид хууль тогтоомжийн хэрэгжилтийг хангах, зөрчил арилгуулах, тухайн зөрчил үүсэх, олон нийтийн зүгээс ашиг сонирхлын зөрчилтэй гэж үзэх нөхцөл байдлыг үүсгэж байгаа нөхцөлийн талаар анхааруулсан зөвлөмж, чиглэлийг АТГ-аас төрийн байгууллагуудад тухай бүр хүргүүлж байна.

Эх сурвалж: IAAC.MN /Авлигатай тэмцэх газар/


Сэтгэгдэл

ZAP [202.131.228.66] 2019-12-12 08:36:56

ZAP [202.131.228.66] 2019-12-12 08:36:56

Зочин [202.131.227.178] 2019-12-10 04:09:19

шийдээд байдаг юм уу? нэг хоолных нь мөнгөөр торгоод байдаг юм биш үү? хар хэрэгтэнгүүд байсаар байх юм.

Шүглээ үлээ [202.9.46.38] 2019-12-10 02:17:05

Үнэн зөв мэдээлэл өгсөн хүмүүсийг урамшуулах хууль яаралтай гаргахыг УИХ-аас шаардаж байна.


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.