Ботаникийн цэцэрлэгт хүрээлэн, "Сити Агро" компанитай хамтран ажиллана

Л.Батцэнгэл / Нийслэл

Монгол Улсын Шинжлэх ухааны Академи, ШУА-ийн Ботаникийн цэцэрлэгт хүрээлэн, “Сити Агро” ХХК хамтран ажиллах санамж бичиг байгууллаа. ШУА-ийн эрдэмтэн судлаачдын оюуны боломж, бүрэлдэн бэхжсэн материаллаг баазад түшиглэн Улаанбаатар хотын агаарын бохирдлыг бууруулж, ногоон байгууламжийг нэмэгдүүлэх, судалгаа, шинжилгээний ажлын үр дүнг практикт нэвтрүүлэн хэрэгжүүлэх зорилгоор чиглэлээр талууд хамтран ажиллах юм. Санамж бичгийг өнөөдөр ШУА-ийн орлогч дарга Б.Бат-Эрдэнэ, Ботаникийн цэцэрлэгт хүрээлэнгийн захирал И.Түвшинтогтох, “Сити Агра” компанийн захирал Г.Ганбат нар үзэглэлээ.

Энэхүү хамтын ажиллагааны хүрээнд ШУА хамтарсан төсөлт хөтөлбөрийг боловсруулж хэрэгжүүлэхэд удирдлага арга зүйгээр хангах, “Улаанбаатар хүлэмж, ногоон төгөл” төслийн техник эдийн засгийн үндэслэлийг боловсруулж, үйлдвэрлэлд нэвтрүүлэх үйл ажиллагаанд оролцох, мэргэжлийн боловсон хүчинг сургах, бэлтгэх, сургалт зохион байгуулахад дэмжлэг үзүүлэх зэрэгт дэмжлэг үзүүлж ажиллана.

Ботаникийн цэцэрлэгт хүрээлэнгийн хувьд зөвлөгөө өгөх, судалгаа хийх, Ботаникийн цэцэрлэгт хүрээлэн судлагдсан таримал болон үржүүлсэн мод, модлог ургамлаар хангах, Олон улс, бүс нутгийн болон хоёр талын хамтарсан төслийн хүрээнд хоёрдогч орноос импортоор оруулж ирсэн мод, модлог ургамлыг өөрийн хорио цээр, үржүүлгийн талбайд нутагшуулах ажлыг хэрэгжүүлэх аж. Харин “Сити Агро” ХХК нь ШУА болон түүний харьяа хүрээлэнгийн эрдэмтэн, судлаачдын бүтээлийг амьдралд нэвтрүүлэхэд санхүүжүүлэн хамтран ажиллах, ШУА-ийн харьяа хүрээлэнгүүдийн лаборатори, судалгааны баазыг “Улаанбаатар хүлэмж, ногоон төгөл” төслийн хүрээнд бэхжүүлэх, нэр төрлийг нэмэгдүүлэх зэрэг ажлыг хийхээр үүрэг хүлээжээ.


Сэтгэгдэл

Зочин [142.112.135.137] 2020-01-23 08:24:07

Улаанбаатарт ногоон байгууламж байгуулна гээд худлаа мөнгө тоншидог уу? хотын гудамжаар тарьсан моднууд ургахгүй үхмэл царайтай бас орой болохоор модны ёроолд нь ногоон гэрэл асаагаад л монголчуудыг Молиго үнхүүлнээ гэж,,,,,

Зочин [192.82.78.242] 2020-01-22 14:46:36

НААД ЦЭЦЭРЛЭГТ ХҮРЭЭЛЭН ЧИНЬ БАЙГАА ЮМ УУ?


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.