Турк улсын Хөдөө аж ахуй, ойн аж ахуйн сайд Бекир Пакдемирлитэй уулзлаа

Aдмин / Нийслэл

Хүнс, хөдөө аж ахуй, хөнгөн үйлдвэрийн сайд Ч.Улаан "Дэлхийн хүнс, хөдөө аж ахуйн чуулга уулзалт 2020"-д оролцох зорилгоор ХБНГУ-ын Берлин хотноо ажлын айлчлал хийж байна. Тэрбээр Турк улсын Хөдөө аж ахуй, ойн аж ахуйн сайд Бекир Пакдемирлитэй уулзлаа.

Уулзалтын үеэр Турк Улсын хөдөө аж ахуйн сайд Пакдемирлигийн зүгээс хоёр орон түүхэн найрсаг харилцаатайг цохон тэмдэглээд хоёр орны хоородын худалдаа, хөрөнгө оруулалт, эдийн засгийн хамтын ажиллагааны өнөөгийн хэмжээ харьцангуй бага байгаа хэдий ч цаашид өргөжүүлэх, нэмэгдүүлэх боломж их байгаа ба энэ чиглэлээр ажиллах болно гэдгээ мэдэгдлээ. Тухайлбал, Монгол Улсаас Турк Улсад халал мах, махан бүтээгдэхүүн экспортлох үеийн мал эмнэлэг, эрүүл ахуйн хорио цээрийн протоколоо байгуулж хууль эрх зүйн орчинг бий болгохоос гадна Монголоос их хэмжээний арьс, шир, эмийн үйлчилгээтэй ургамал худалдан авах сонирхолтой байгаагаа илэрхийлсэн.

Сайд Ч.Улааны зүгээс хөдөө аж ахуйн салбарын экспортын бодлогоо танилцуусан ба мал эмнэлгийн чиглэлээр Дэлхийн мал амьтны эрүүл мэндийн байгууллагатай нягт хамтран ажиллаж 2020 оны эхний хагаст багтаан Монгол орны баруун бүсийг малын өвчнөөр тайван бүс болохыг баталгаажуулах бүртгүүлэхээр ажиллаж байгаагаа мэдэгдлээ. Монгол Улсын зүгээс Турк улсад арьс, шир экспортлох боломж, сонирхол их байгааг илэрхийлж хамтран ажиллахаа илэрхийлэв.

Эх сурвалж: ХХААХҮЯ


Сэтгэгдэл

Зочин [153.173.26.2] 2020-01-22 23:13:31

Өнөөгийн турк чинь эртний түрэг биш гэдгийг мэддэггүй юм уу. Туркийн байгаль цаг уур, амьдрах хэв маяг монголоос тэс өөр гэдгийг бас мэддэггүй байх аа.

Зочин [66.181.161.121] 2020-01-22 18:04:38

goliison sda bj bgaa tsaraigiin ee


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.