Даншиг наадмын үеэр хоёр хүүхэд төөрчээ
Яг одоо Хүй долоон худагт “Даншиг наадам – Хүрээ цам 2015” болж байна. Даншиг наадмын үеэр одоогоор онц ноцтой гэмт хэрэг гараагүй байна. Цагдаагийн албан хаагчид өглөөний 06:00 цагаас эхлэн өндөржүүлсэн бэлэн байдалд ажиллаж, эргүүл хяналт хийж байгаа юм. Зарим албан хаагчид Хүй долоон худаг орчимд хоноглож эргүүл хийсэн гэж байв. 12:30 цагийн байдлаар хоёр хүүхэд төөрснийг нь эцэг эх асран хамгаалагчид нь олж өгсөн, нэг хулгайн гэмт хэрэг гарсан бүртгэлтэй байна. Хулгайн гэмт хэрэг гарсан шалтгаан нь машинаа онгорхой орхиж явснаас цүнхтэй эд зүйлсээ алдсан аж. Наадам маргааш үргэлжилнэ. Тиймээс сонор сэрэмжтэй байж, үр хүүхддээ анхааралтай явахыг Цагдаагийн албан хаагчид анхааруулж байна.
Б.ГЭРЭЛ
Сэтгэгдэл