Хотын түгжрэлийг бууруулах зорилгоор оруулж ирсэн угсраа автобус энэ сарын 15-наас үйлчилгээнд гарч эхэлсэн. Гэтэл өчигдөр 16.00 цагийн үед нийтийн тээврийн үйлчилгээнд явж байсан угсраа автобус Төв шуудангийн урд замд дундуураа хуваагдаж, зорчигч гэмтсэн талаарх мэдээлэл гарав. Замын цагдаагийн газраас энэ талаар тайлбарлахдаа “2015.08.17-ний өдөр 18.00 цагийн орчим Энхтайваны өргөн чөлөө, Чингисийн талбайн урд замд Нийслэлийн зорчигч тээврийн нэгтгэлийн Maz-215067 дугаартай, Ч жолоочтой автобус замын барилга байгууламж ус зайлуулах хоолойны шүүрт худгийн таг дайрсанаас тухайн тээврийн хэрэгсэлд эвдрэл учирсан. Энэ осол тухайн жолооч, тээврийн хэрэгслээс огт шалтгаалаагүй”гэв.

Б.ЦЭЛМЭГ