Элэгний С вирусын эсрэг “Харвони” эмийг “Оном” сангийн тусламжтайгаар Монгол улсад 99 хувийн хөнгөлөлттэй үнээр оруулж ирэхээр болсон. Тус эмийг энэ долоо хоногт оруулж ирнэ гэдгийг албаныхан мэдэгдлээ.

Энэ жил 1600 хүн эмчилгээнд хамрагдана. 2016 онд 6400 хүнийг хамруулах төлөвтэй байна. Нэг хүний курс эмийн мөнгө 1200 ам.доллар бол ирэх жилд Монголын ард түмэн 7.680.000 доллар буюу 15 тэрбум 360 сая төгрөгийг 2016 онд С вирусын эмэнд зориулах юм. Энэ эмчилгээний ядаж 30 хувийг эрүүл мэндийн даатгалаас гаргахыг шаардаж байгаа бөгөөд 30 хувь нь 4 тэрбум 608 сая төгрөг болж байна.

Б.ГЭРЭЛ