Монголын их соён гийгүүлэгч, төр, шашин, соёл урлагийн нэрт зүтгэлтэн Анхдугаар Богд Жавзандамба Лувсандамбийжанцан сайн цогтын түмэн өлзий гийсний 380 жилийн ойд зориулсан “Өндөр гэгээн Занабазарын хосгүй үнэт бүтээлүүд” үзэсгэлэн өнөөдөр нээлээ.

Үзэсгэлэнд Чойжин ламын сүм музейн сан хөмрөгт хадгалагдаж буй Өндөр гэгээн Занабазарын хосгүй үнэт бүтээлүүдийн дээжээс түүний ариун мутрын болон дэг сургуулийн сор дээж болсон 17 бүтээлийг дэлгэсэн бөгөөд уг бүтээлүүдийн зурагтай монгол, төвөд, санскрит, англи хэл бүхий тайлбарт цомгийг олны хүртээл болгоод байна.

Үзэсгэлэн өнөөдрөөс эхлэн 14 хоногийн хугацаанд 09.30-19.30 цагийн хооронд үргэлжилнэ. Үзвэрийн үнэ: Том хүн 8000₮ /гадаад хүн адилхан/, оюутан 3000₮, хүүхэд 1500₮

Б.ГЭРЭЛ

ГЭРЭЛ ЗУРГИЙГ: Ц.ЭНХТАЙВАН