Гэмтэл согог судлалын үндэсний төвийн Түлэнхийн тасагт хэвтэн эмчлүүлж байгаа бага насны хүүхдүүдийн дийлэнх нь 40-өөс дээш хувийн түлэгдэлтэй байгаа ба найман хүүхэд тутмын тав нь халуун тогоонд хийсэн хоол цайнд түлэгдэж ирдэг ажээ.

Энэ талаар ГССҮТ-ийн Түлэнхийн тасгийн эмч Э.Галбадрах хэлэхдээ “Одоогоор Түлэнхийн тасагт хэвтэн эмчлүүлж буй найман хүүхэд тутмын 5 нь халуун тогоонд хийж байсан хоол цайнд түлэгдэн гэмтсэн байна. Эцэг эхийн анхаарал болгоомжгүйгээс хүүхэд түлэгдэж арьс нөхүүлэх хагалгаанд орсон тохиолдол сүүлийн хагас жилд 1800 орчим бүртгэгдсэн. Зарим тохиолдолд хүүхдийн амь насыг аврах боломжгүй байдаг” гэлээ.

Б.ТУЯА