Хятадын гар утас үйлдвэрлэгч Oppo компани Барселонд болж буй Дэлхийн хөдөлгөөнт төхөөрөмжийн чуулганы үеэр “Super-VOOC” хэмээх түргэн цэнэглэдэг технологио танилцууллаа. Дээрх технологийг ашигласнаар хэрэглэгчид гар утсаа 15 минутад бүрэн цэнэглэх аж. Тус цэнэглэгчээр цэнэглэхийн тулд энгийн микро USB оролт эсвэл USB Type С холбогч байхад хангалттай. Өмнө нь “Qualcomm”-ын танилцуулсан “Quick Charge 3,0” технологиос ч илүү хурдан цэнэглэнэ хэмээн зохион бүтээгчид онцолж байна. Сонирхуулбал, “Qualcomm”-ын технологи нь ойролцоогоор 35 минутад утасны цэнэгийг 80 хувь хүртэл нэмэгдүүлж чаддаг ажээ.

Б.ЦОГ