Ирэх тавдугаар сард ОХУ Аугаа их Эх орны дайны ялалтын 70 жилийн ойн баяраа тэмдэглэнэ. Энэхүү баярын арга хэмжээнд Монголын Зэвсэгт хүчний 80 гаруй албан хаагч оролцож, цэргийн сүрт жагсаалыг гайхуулахаар болжээ. Ялалтын парадад тусгаар улсуудын хамтын нөхөрлөлийн орнууд, Эх орны дайны үед ЗХУ-ын холбоотон байсан орнууд, ЗХУ-ын бүрэлдэхүүнд байсан тусгаар улсууд гэхчилэн олон орны цэргүүд оролцох юм байна.

Ёслолын жагсаалд оролцох Монголын зэвсэгт хүчний бэлтгэл ажлыг хангах комиссын даргаар Батлан хамгаалах яамны Стратеги бодлого, төлөвлөлтийн газрын дарга, хурандаа Г.Сайханбаяр ажиллаж байгаа аж. Ирэх пүрэв гаригт Ерөнхийлөгчийн Тамгын газрын дарга П.Цагаан парад алхах офицер, ахлагч нарын бэлтгэлийн явцтай танилцах юм байна.

Э.ЭНХ-ЭРДЭНЭ