БНХАУ-ын гаалийн ажилтнууд өнгөрсөн ням гаригт Хонконгоос биедээ хууль бусаар 94 ширхэг iPhone гар утас нуун хил нэвтрэхийг завдсан этгээдийг илрүүлжээ. Түүнийг Хятадын Shenzhen боомт дээр сэжиг бүхий явахад нь саатуулсан байна. Гартаа барьж явсан хоёр цүнхнээс сэжигтэй зүйл илрээгүй ч металл хайгчийн тусламжаар биедээ нуусан гар утсуудыг нь илрүүлж чаджээ.

Гаалийн ажилтнуудын авсан зургаас харахад тэрээр цээж, гэдэс, гуя, шилбэндээ iPhone утсуудыг цэвэрхэн гэгч нь бэхэлсэн байна. Албаныхан түүнийг биедээ 300 мянган юань (49 мянган доллар)-ийн үнэ бүхий iPhone 6, iPhone 5S утсуудыг авч явсныг тогтоожээ.

Э.ЭНХ-ЭРДЭНЭ