Индонезийн тээврийн аюулгүй байдлын хорооны дарга Татанг Курниади хэвлэлийнхэнд хандан мэдэгдэл хийлээ. Тэрээр энэ үеэр “Ослын шалтгааныг тодруулах мөрдөн шалгалтын эцсийн тайлан нэг жилийн дараа тодорхой болно” хэмээн хэлэв. Түүний мэдэгдсэнээр, мөрдөн шалгалтын урьдчилсан дүн сарын дотор гарах юм байна.

Малайзын “AirAsia” компанийн QZ8501 нислэгийн дугаартай онгоц Индонез-Сингапур чиглэлд 162 зорчигч тээвэрлэн нислэг үйлдэж байхдаа холбоо тасарч, сураггүй алга болсон. Улмаар Ява тэнгист сүйрсэн нь тогтоогдсон билээ.

Э.ЭНХ-ЭРДЭНЭ