ОХУ-ын эдийн засаг 2016-2017 онд өсч эхэлнэ гэж тус улсын Эдийн засгийн хөгжлийн сайд Алексей Улюкаев мэдэгдлээ. Мөн газрын тосны ханш нэг баррель нь 45 ам.долларын түвшинд байвал ОХУ-ын эдийн засаг 4-5 хувиар агших магадлалтай байгааг тэрбээр онцолсон байна. Гэхдээ Алексей Улюкаев газрын тосны ханшийн уналт ОХУ-ын төсөвт сөргөөр нөлөөлж байгаа ч ханшийн зөрүүнээс алдагдлаа нөхөх боломжтой гэж мэдэгджээ.

Сүүлийн 12 сарын хугацаанд рублийн ханш ам.долларын эсрэг бараг 50 гаруй хувиар суларсан юм. Тиймээс ОХУ-ын Төв банк рублийн ханшийг сэргээхийн тулд бодлогын хүүгээ 17 хувь болгож өсгөсөн ч энэ нь нөхцөл байдлыг улам хүндрүүлжээ. Харин үүний дараа ОХУ-ын Төв банк гадаад валютын нөөцөөсөө зах зээлд нийлүүлэх зэрэг хэд хэдэн арга хэмжээ авч эхэлсэн байна.

М.АМАРЖАРГАЛ