Мэргэжлийн сумогийн Хацу башёд Хакухо М.Даваажаргал түрүүлж Их Наран улсын домогт аварга Тайхогийн 32 түрүүлсэн амжилтыг эвдэж түүхэн амжилт тогтоолоо. Тэрээр энэ сарын башёд түрүүлснээр 33 дахь түрүүгээ авч байна. Тэрээр эзэн хааны цом, Ерөнхий сайдын цом гардаж авсны дараагаар NHK телевизэд ярилцлага өгөхдөө “үнэхээр их ядарлаа. Тайхогийн 32 түрүүг давж, ачийг нь хариулж чадлаа. Бурхан намайг хүлээн зөвшөөрсөн учраас би энэ их үр дүнд хүрлээ. Зорилгоо биелүүлээ, зодог тайлдаг ч юм билүү гэж бодлоо. Сайхан амраад өөр зорилготой болно” гэсэн юм. Мөн тэрээр хүчирхэг эрийн ард ухаантай эмэгтэй байдаг юм шүү гэлээ.

Ж.МАРАЛ