Грекчүүд өдөр ирэх тусам ажилгүй болж, амьжиргааны зардлаа төлж чадахгүйд хүрч байна. Эдийн засагчдын үзэж байгаагаар Грек нь Евро бүсээс бараг цорын ганц аж үйлдвэржээгүй улс учир экспорт бага. Аялал жуулчлалаар гол төлөв төсвөө бүрдүүлдэг, эдийн засгийн хүчин чадлын хувьд Евро бүсдээ хамгийн сул нь учир ямар ч дэмжлэг үзүүлсэн нэмэргүй гэж эдийн засагчид үзэж байгаа юм. Энэ сарын 9-нд болох Евро бүсийн сангийн сайд нарын уулзалт дээр Грек улс зургаан салбарыг хамарсан шинэчлэлийн хөтөлбөрөө дэлгэрэнгүй танилцуулахаар болжээ. Үүнд татварын хуулийг шинэчлэх, нийгмийн даатгалын өрийг барагдуулах, татварын албыг нарийвчлан шалгах зэрэг багтаж байгаа юм. Түүнчлэн татварын хороо байгуулж, аудитын шалгалт хийхээр төлөвлөсөн байна.

Т.БАТСҮРЭН