Израилийн зохион бүтээгч Одед Бен хөгжлийн бэрхшээлтэй иргэдэд зориулсан ухаалаг утас бүтээжээ. Энэхүү утас нь гар оролцдоггүй, зөвхөн дуу хоолой, нүүр царай таньж ажиллах юм байна. “Sesame” хэмээх тус утас нь андройд үйлдлийн системтэй бөгөөд хэрэглэгч толгойгоо хөдөлгөн удирдахаас гадна дуудлага хийх, авах үедээ чанга тушаахад л хангалттай аж.

Энэхүү утас нь өнгөрсөн арван хоёрдугаар сард АНУ-ын “Verizon” компаниас гар утасны загвар, шинэ технологи бүтээгчдийн дунд явуулсан “Powerful Answers” уралдааны тэргүүн байрын шагнал хүртжээ. Ирэх гуравдугаар сард тус утсыг худалдаанд гаргах бол зургадугаар сард таблетыг нь танилцуулах юм байна.

Э.ЭНХ-ЭРДЭНЭ