Ромын хамба лам Францисыг Филиппиний нийслэл Манила хотод айлчлахад гурван сая хүн угтан авч, 6 сая орчим сүсэгтэн үдэж гаргаж өгчээ. Бүтэн 24 цагийн турш үргэлжилсэн айлчлалын үеэр тус хотын замын цагдаа нар амсхийх ч завгүй ажилласан байна. Хотын гудамжин дахь зөөврийн бие засах газар хүрэлцээгүй байсан тул эргүүл, хамгаалалтад гарсан 200 гаруй цагдаа нарт том хүний живх өмсгөхийг Манилагийн Хөгжлийн төлөө газраас үүрэгджээ.

Цугларсан хүмүүст үйлчлэх үүрэг хүлээсэн цагдаа нарт бие засах газар урт дараалал үүсгэн зогсох зав олдоогүй тул ийм арга хэмжээ авахаас өөр аргагүй байжээ. Албаныхан энэхүү шийдвэрээ “Замын цагдаа нараас нэг ч гомдол ирээгүй. Сүсэгтнүүдийн дунд гэлэнмаа, өндөр настнууд байсан учир тэднийг хүндэтгэх үүднээс ийм арга хэмжээ авлаа” хэмээн тайлбарлажээ.

Э.ЭНХ-ЭРДЭНЭ