Английн лигийн цомын тэмцээний 1/8 шигшээ тоглолтын эхний дөрвөн тоглолт өнгөрсөн шөнө боллоо. Энэ шатанд Английн алдарт “Ливерпүүл” клуб “Кристал Палас”-тай тулж, 2:1-ээр буулгаж авлаа.

Тоглолтын 15 дахь минутад “Кристал Палас”-аас Фрэйзер Кэмпбелл гоолдож, тооны харьцааг нээсэн. Гэвч “Ливерпүүл”-ийнхэн хоёрдугаар үед сайн тоглолт гаргаж, 49 дэх минутад Старриж тэнцүүлсэн бол 58 дахь минутад Лаллана хожлын гоол оруулснаар шөвгийн наймд шалгарч чадсан юм.

М.АМАРЖАРГАЛ