Бусдын машин руу бензин цацаж шатаажээ
Баянзүрх дүүргийн 12-р хороонд согтуу залуу автомашин руу бензин цацаад шатаачихлаа гэсэн дуудлага мэдээлэл цагдаагийн байгууллагад өчигдөр иржээ. Дуудлагын дагуу шалгахад Баянзүрх дүүргийн наймдугаар хороонд оршин суух 25 настай эрэгтэй Ц гэгчийн тоёото маркын автомашиныг тус дүүргийн 12-р хороонд оршин суух 25 настай эрэгтэй П гэгч нь согтууруулах ундааны зүйл хэрэглэсэн үедээ төлбөрийн мөнгөнөөс болж марган, бензин цацаж, шатааж танхайрсан байжээ. Хэргийг Баянзүрх дүүргийн цагдаагийн гуравдугаар хэлтэст шалгаж байгаа юм байна.
Б.БУРМАА
Сэтгэгдэл