70200-г оюутнуудад олгохын төлөө тэмцэнэ гэв
МАХН-ын дэргэд Оюутны холбоо байгуулсан хэсэг залуус өнөөдөр хэвлэлийнхэнд хандлаа. Уг хэвлэлийн бага хурлын зар нь анх “МОХ-ны чуулган зохион байгуулах тухай” гэсэн байсан боловч тэд МАХН-ын үзэл баримтлалыг дэмждэг, залуусыг дэмждэг болохоор нь тус намыг “сонгосон” гэж мэдэгдэв.
Мөн оюутнууд хэдхэн хоногийн өмнө МОХ-ноос хийсэн 70200-аас татгалзаж буй саналын эсрэг байгаагаа илэрхийлсэн юм. Тэдний хэлж буйгаар МОХ, оюутнуудын нэрийг барьж уг мэдэгдлийг хийсэн гэв. Тэд цаашид оюутан бүрт олгогдох ёстой энэ мөнгийг хасуулахгүй, багасгахгүй байхын тулд тууштай тэмцэхээ мэдэгдлээ.
Д.ТҮВШИН
Сэтгэгдэл