Даваа гаригт Төрийн ордны “Г” танхимд ХХААЯ-ны сайд Р.Бурмаа болон ажын хэсгийнхэн тариалан эрхлэгч, гурил үйлдвэрлэгчдийн төлөөллийг хүлээн авч увч уулзсан билээ. Уг уулзалтаар импортоор орж ирэх 20 мянган тонн улаанбуудайг оруулж ирэх эсэх асуудалд хоёр тал санал нэгдээгүй юм. ХХААЯ, МХЕГ, тариаланч, гурил үйлдвэрлэгчдийн холбоодын хамтарсан ажлын хэсэг Тариалан эрхлэлтийг дэмжих сангийн зургаан байршилд хадгалагдаж байгаа 31.5 мянган тонн улаанбуудайнд хяналт шалгалтыг хийжээ. Шалгалтын дүнгээр уг улаанбуудайн 84 хувь нь стандартын шаардлага хангаж, үлдсэн 16 хувь нь шаардлага хангаагүй гэсэн урьдчилсан дүгнэлтийг гаргасан байна.

Харин тариаланчдын агуулахад хадгалагдаж байгаа 40 мянган тонн улаанбуудай хаана буй нь тодорхойгүй байгаа аж. Энэхүү 40 улаанбуудайг Үр тариа эрхлэгчдийн газар тариалан холбооноос одоо хүртэл борлогдоогүй байгаа хэмээн өргөх бичиг ХХААЯ-д хүргүүлсэн юм. ХХААЯ-наас энэ сарын 19-ний өдөр албан тоотоор тус холбоонд 40 мянган тонн улаанбуудайн байршлыг тодорхой ирүүлэхийг хүссэн ч одоогоор хариу ирүүлээгүй байгаа аж. Тиймээс ХХААЯ-ны зүгээс импортлох 20 мянган тонн улаанбуудайн зөвшөөрлийг цуцлах үндэслэл байхгүй хэмээн үзжээ.

Т.БАТСҮРЭН