Энэ сарын 31-нээс ирэх сарын 1-ний өдрүүдэд Монголын Үндэсний Мөсний Шагайн Холбооноос жил бүр зохион байгуулдаг “Мөсний шагайн УАШТ” тэмцээн Хатан Туулын мөсөн дээр(Гачуурт) болох юм байна.

Тус тэмцээний зорилго нь Монголын ард түмний өнө зууны түүхтэй нүүдэлчдийн өвлийн наадам, уламжлалт мөсний шагайн харвааг сэргээн хөгжүүлэн дэлгэрүүлэх, харваачдийн залгамж үеийг бэлтгэх, өргөн хүрээнд сурталчлан олон түмнийг хамруулан спортын нэгэн төрөл болгон цаашид төгөлдөржин хөгжих үндэс, нөхцөлийг бий болгоход оршиж байгаа аж.

УАШТ-д хөдөө орон нутгаас мэргэжлийн тамирчдын олон баг, дэвжээд оролцох бөгөөд сонирхогчдын дунд зохиогдох тэмцээнд нийслэлчүүдийг өргөнөөр оролцон цэвэр агаарт цэнгэн наадахыг зохион байгуулагчдын зүгээс урьж байна.

Э.ЭГШИГЛЭН

Тэмцээн зохиогдох газар очих бүдүүвч зураг