Дипломатуудын байрладаг зочид буудалд террористууд халджээ
Японы иргэнийг алан хядагчид барьцаалаад байгаа хэрэг намжаагүй байтал мягмар гаригт террористууд Ливийн нийслэл Триполи хотод орших Коринфия дээд зэрэглэлийн зочид буудалд халдлага үйлдэж 10 хүн амь насаа алдсан байна. Амиа алдсан иргэдийн дунд АНУ болон Францын иргэн байсан аж.
Коринфия зочид буудалд төрийн хэмээний томоохон уулзалтууд зохион байгуулагддаг байна. Уг үйл явдлын дараа террорист халдлагыг Исламын улсын хэт даврагчид үйлдсэн гэдгээ хүлээсэн бөгөөд твиттер хуудсаараа энэ тухайгаа мэдэгдсэн байжээ. Ливийн Ерөнхий сайд Абдулла халдлага үйлдсэн этгээдүүдэд хатуу хариуцлага тооцохоо хэвлэл мэдээллийн хэрэгслээр илэрхийлсэн байна.
Т.БАТСҮРЭН
Сэтгэгдэл