Ява тэнгист сүйрсэн “AirAsia” компанийн онгоц осолдохынхоо өмнө хэт хурдтайгаар өндрөө авсан нь тогтоогджээ. Индонезийн Тээврийн яамнаас мэдээлснээр Малайзын Иргэний агаарын тээврийн “AirAsia” компанийн 8501 нислэгийн онгоц байлдааны онгоцоос ч хурдан буюу минутад 6000 футийн хурдтайгаар өндрөө авсан байна. Зорчигч тээврийн онгоц минутад 1000-2000 футээр л дээшлэх ёстой, түүнээс дээш хурдаар өндрөө авахад зориулагдаагүйг мэргэжилтнүүд хэлжээ. Шинжээчид техникийн гэмтэл, эсвэл цаг агаарын онцгой нөхцөл байдлаас шалтгаалан онгоц ер бусын хурдтайгаар өндрөө авсан байх хэмээн таамаглаж байгаа аж.

Э.ЭНХ-ЭРДЭНЭ